|
|
#1
03-04-2013, 01:00 AM
|
|||
|
|||
رولي بكريمة البرتقال و زواقو منو فيه
رولي بكريمة البرتقال و زواقو منو فيه
   السلام عليكم انيقاتي , نتمنى تكونو بالف خير كنت درت واحد الرولي شحال هدا و كل مرة كنقول غدي نزلو و مكتابش , المهم نعطيكم كريمة البرتقال 2 صفار بيض 50 غ سكر 30 غ مايزينا 50غ **دة 250 مل حليب عصير برتقالة كبيرة قشرة برتقالة محكوكة نقيطات فاني عجينة الكاكاو 15 غ **دة 15 غ سكر كلاصي 15 غ دقيق 10 غ كاكاو مر بياض بيضة عجين جنواز الرولي 4 بيضات 125 غ سكر 125 غ دقيق راس معلقة صغيرة خمارة سيرو عصير برتقالة 50 غ سكر 100 مل ماء قشرة نصف برتقالة الطريقة نبداو اول حاجة بالكريمة : في كسرونة كنديرو نصف الحليب مع قشرة البرتقال و نديروه فو العافية تكون مهيلة حتى نشوفوه بدا يغلى و نزولوه من على البوطة و نخليوه يدفا شوية , في اناء كنديرو صفار البيض , السكر, لي بقالينا من الحليب و المايزينا و نخلطو الكل و نبداو باضافة خليط الحليب مع قشرة البرتقال و نخلطو الكل     من بعد نصفيو الخليط فكسرونة و نرجعوه فوق العافية , حتى يعقاد  نزيدو ال**دة و نخلطو مزيان حتى تشربها الكريمة , و اخيرا نضيفو عصير البرتقال و نخلطو مزيااااااان حتى ترجع الكريمة فحال بوماد و غطيوها ببلاستيك و يكون من فوق من الكريمة مباشرة عاد ندخلوها الثلاجة باش ماديرش جلفة     ندوزو دبا العجين لي غدي نشكلو به الوريدات { ممكن وريدات او قليبات او خطوط او اي شكل حبيتوه }  في اناء كنطربو ال**دة و السكر كلاصي مزيان حتى ينساجمو مع بعضياتهم نزيدو بياض بيضة و نكملو التطراب و نبداو نضيفو فالدقيق مع الطحين اكيد مغربلين و نخلطو مزيان   كنديرو العجين فجيب حلواني و نقطعو الراس يكون رقيق و نبداو رسمو لي عجبنا و ندخلوه المجمد علما وجدنا الجنواز   اما بالنسبة للرولي فكل واحد يدير لي معتمد عندو و لي تيصدقليه , انا طربت البيض مع الشكر حتى بياض و تضاعف الحجم ديالو على 3 مرات من بعد ضفت الدقيق مع راس معلقة صغيرة خمارة خلطت من التحت لفوق غير بشوية { سمحولي تصاور ديال هاد المرحلة مشاولي ما عرفت فين زادو هما و تصاور ديال السيرو }  جبدت الوريدات من المجمد و فرغت من فوق منهم العجين و دخلتهوم الفران حتى طابو شي 10 دقائق   من بعد ما يخرج نكونو موجديد ورق ال**دة نرشوه بالسكر و نقلبو من فوق منو الجنواز و نزولوليه الورق غير بشوية , نعاودو ردو الورق من فوق منو و نقلبوه بحيث الوجه المرسوم هو لي يكون الخارج و نلويوه عادي على شكل رولي و نخليوه على جنب حتى يبرد بالنسبة لسيرة كنديرو جميع المقاديرة فكسرونة من فوق عافية مهيلة 10 دقائق و نطفيو عليه , نخليوه يبرد من بعد نحلو الرولي نسقيوه و ندهنوه بالكريمة { منين تخرجوها من الثلاجة غدي تلاحظو انها قساحت غير خلطوها مزيان بشي معلقة و غادي ترجع فحال الاول فحال بوماد } و نعاودو لويو الرولي و نقدموه بالصحة و الراحة   [IMG]http://www.anaqamaghribia.com/pic/images/tdwmtb9tj71f268**u1.jpg[/IMG] هذا كنت درت هادي زماااان هههه زينتو من الفوق بكريمة البرتقال كانت شاطتلي و خطوط الشكلاط  { سماح حبيباتي مشاولي بزااف ديال التصاور ما عرفت فين غبرو , المهم نتمنى من الله تكونو فهمتو الطريقة كيفاش } في امان الله 
|
|
|
العرض الشجري