الراجل اللي قال ” الاختلاف في الرأي لا يفسد للود قضيه ” لو* كان عايش وسطينا اليومين دول كان أنتحر أو كان اتحاكم بتهمه بث معلومات مغلوطه للرأي العام لأن ما يحدث الان يؤكد ان الاختلاف في الرأي يفسد كل أواصر الود ومش بس كده لأ ده بيوصل للتراشق بالالفاظ وتبادل شتائم تصل لحد ذكر أعضاء حساسه للأمهات ، والكلام ده مش بيحصل في غرف مغلقه لأ طبعا ده بيحصل علي صفحات التواصل الاجتماعي – فيس بوك و تويتر وانستجرام كمان – لا و ساعات بيوصل لشاشات التلفزيون وعلي مرأي ومسمع من الملايين** .
الموضه دلوقتي باقت لو انت زملكاوي أشتم الاهلاوي و لو انت أخوان اشتم المعتدلين و لو انت ثورجي أشتم اللي ضد الثوره و لو أنت بتكره مبارك اشتم اللي بيحبه و العكس صحيح ، هي دي الديموقراطيه وحريه الرأي وحريه التعبير اللي إحنا ماشيين عليها صح ؟
لو مش هنتكسف من نفسنا ومن اللي بنعمله يبقي خلاص قول علي **ر السلام لأن **ر مش هيدمرها تفجيرات ولا تهديدات ولا ثورات ولا دول أجنبيه ، **ر لو أتدمرت هتدمر من ولاها ي نسيوا انهم اخوات و أصحاب وزمايل و بلديات ، **ر تعبت أوي يا جماعه وآن الآوان نريحها ، **ر محتاجه كل ولادها يحطوا آيديهم في أيد بعض ويقوموها من محنتها كفايه بقي أرحموا **ر يرحمكم الله،* ولو كلامي مش عاجبكم خلاص يالا نشتم بعض ونوقع بلدنا وندمر **ر ونبقي ساعتها ندور علي بلد تاني نعيش فيه خدامين لشعب بيحب بلده وبيخاف عليها* .
11-30-2014, 12:40 AM
أحمد الهواري يكتب .. يالا نشتم بعض
العرض الشجري