|
|
#1
08-06-2014, 12:45 AM
|
|||
|
|||
ا***اسيه ابغي علااااااااااج تعبت ...
:3: تعبت احس عمري اغرق في بحـــــــر كله هم وحزن ... تعبت اشوووف كل يوم يمر عليه لازم اسمع شي مب زين ... بديت احس بالإكتئاب لدرجة انه اذا سمعت خبر مب زين ما احس بشي ولا اتأثر ...:28: . . في رمضان من بدايته ما حسيت بطعمه ..اقولكم اصلي واصوم واذكر الله وادعي واقرا قرآن وقيام ... بس حالة ربيعتي وبنتها لين توفت البنت في رمضان خلتني في حاله حزن ...مع اني مؤمنه بقدر الله بس كل ما اشوف صورتها اصيح ...مع اني ماشفت البنت غير مره ولا اني شفتها وايد ...وبعدها كل يوم لازم خبر مب زين ...والله كل يوم احاول اقاااوم ما ابا اتأثر ونفسيتي تنزل ..+ الروتين والدراسه انا حاليا في اجازه ..لكن ادرس ماستر ...لكن ما ادري كيف الناس حتى لو نجتمع يمعه بنات وحريم لازم يذكرون سالفه فلان وفلانه والياهل الي استوى له وتوفى ...استويت حساسه ما اقدر ارقد كله مهمومه ع حال الناس وحزينه عشانهم ..استويت اسمع قصص حزينه ومشاكل الناس و**ايبهم واقول شو هل الدنيا ...سوداا مافيها شي حلو .. ارقد لين الظهر ..صلاه وصوم قضاء ولابتوب لاني اخلص بروجكتاتي ...وبس هذا يومي لين تخلص اجازتي وارد اداوم ...وحتى طلع لي الشعر الابيض مع اني ولا مره صبغته ...ما انكر انا مهمله نفسيتي وايد ...لا تقولون طلعي وسيري حوطي ومن هل النصايح ..وغيري جو ..مالي خاااااااااطر ...وحابسه عمري اطلع للضروره فقط ...:19::26: ربيعاتي ما اقدر ازورهن لضروفهم ولاني مااحب اسير لحد بدون عزيمه ...وحتى طلعاتي وياهن قليله يمكن مره في السنه ... . . فكرة ادخل في عمل تطوعي في خلال فترة اجازتي تتوقعون هل الشي بيعالج الحاله الي انا فيها ؟ :3::30: واذا حد يعرف كتاب زين يحل العقده النفسيه الي فيني ياريت تخبروني لاني احب الكتب ... او بالمره الي يعرف دكتورة نفسيه تعالج بدون ادويه زينه بعد يخبرني ... من يومين بديت بالرقيه الشرعيه واحاول اقوم الليل بركعتين واستغفر الله دوم .... 
|
 |
|
|
العرض العادي
