|
|
#1
08-05-2014, 01:51 PM
|
|||
|
|||
راسها يابس و ما تتغير شو اسوي فيها
السلام عليكم خواتي شي حرمة زينة و طباخة و كل الصفات الحلوة فيها ان دخلت بيتها جفت النظافة و البيت يبرق من الترتيب و الصلاة و الدين و التربية و كل شي وهي مرت اخوي و عمرها 30 مب من كبرها بس حق الريل :33: يعني طول سنين زواجهم عمرهم ما ساروا فندق ولا سنتر الا و يا عيالهم و هم كبار عقال يعني ف المدرسة يعني عيد زواجهم عيد ميلادهم مناسبات ثانية في الاجازات ما ترضى ملابسها كله كم طووووووووووويل مال مليون سنة رمستها مليون مرة قالت هو ما يحب عياله ؟؟ منو قالج ما يحب عياله لو ما يحبهم ما بيبدلهم و يلبسهم و يسبحهم و يسوي لهم حليب و يشتغل ليل نهار عسب يبني لج البيت اللي ***ينه و تسكنين فيه و يعطيج **روف و يشتري لج سيارة يا حرمة افهميني الريال يبغي يطلع وياج بس لو يوم ف الشهر يوم ف السنة و انتي كله عيالج وياج يبغي يوم رومنسي وياج غيرج من الحريم يتمنون ها الريل بس انتي مب حاسة بالنعمة و ما شاء الله كبار خليهم عندي و اطلعي و انا بهتم فيهم ما ترضى لازم لصقتها وياها حتى والدتي تقول خلي عيالج عندي ما ترضى مول مول ما ادري يمكن تخاف نعطيهم شبس عمان :15: لانها هي تهتم فيهم 100 % ما تسمح لحد يهتم فيهم ولا يأكلهم غيرها كل الاكل اللي تعطيهم صحي لدرجة الهوس عمرهم ما كلوا كاكاو ولا عصير راني من الدكان :18:حلم حياتهم ان امهم تطلع يوم عسب ياكلون اللي يغون ما تحب لو بعطيهم لقمة ما يعيبها مول مول و عيالها ما شاء الله هاديين يعني ما ينخاف عليهم ابدا الحين اخوي رمسني يقول لي هي زينة و حرمة بيييييييييييت و بالغصب طلعت منه الكلام و يصيح فديته بيموت حسرة ع عمره يقول لا تلبس شي الا 24 ساعه راقدة في المطبخ بجلابيتها و متعبة نفسها و حتى ما تعطيني حقي وانا ريال يعني زين مني مستحمل و يايب لها خدامة تساعدها بس الخدامة مرتاحة و هي تحب تكرف عمرها وكلما شرى لها لبس قالت هذا مب ستايلي وانا مب نفس ستايل اهلك فري :19: الحين الحرمة لما تكشخ و تسوي و تلبس قصير ل ريلها يعني فري:33: بس ابغيها تطلع وياي مرة كل شهر بروحنا يدام امي طاعت و تصيح انها مسكينة و جي و كل حد في صفها بس حزة الحزة اجوفها ما رضت الا عيالها وياها انا قلت بسألها و فعلا تأكدت ما تطلع الا لو عيالها وياها قلت عسب لا اظلمها ولا اظلم اخوي و اصدقه حتى يوم تراويني ملابسها و كبتها يعني ما اصدق في اي عالم هي عايشة حتى العزابيات ما يلبسون جي و يوم نزورها وحليلها هي تسوي كل شي وما تيلس ويانا يعني راعية واجب بس لدرجة اتعب نفسها بصورة ما تتخيلونها قال خلاص ما اروم دوري لي حرمة شو اسوي تعبت منها تعبت من كثر ما انصحها ها الحرمة تعبت وانا افرفرها ف السناتر عل و عسى تغير لبسها الطويل و طريقة تفكيرها تيلس ف بيتها و **روفها يوصلها و باخذ الثانية ؟ أنا غسلت ايدي منها ع كثر نصايحي لها شو الحل وياها انا ادري انها بتتغير عقب ما يعرس عليها بس ما اتمنى ها الشي لها شو اسوي كيف اغيرها للاحسن :19::19: 
|
 |
|
|
العرض العادي
