|
|
#1
08-05-2014, 06:51 AM
|
|||
|
|||
صدقة جارية وحسنات مستمرة حتى بعد الموت
صدقة جارية وحسنات مستمرة حتى بعد الموت
السلام عليكم ورحمة الله وبركاته معليش مالي خبرة بالمواضيع بس أبدخل بالموضوع على طول طبعا كل واحد فينا يريد الأجر العظيم ويبي عمله الصالح يستمر حتى بعد مماته بهذا الموضوع أبتكلم عن عمل فيه الأجر العظيم اللي ناسيه كثير من الناس وهو الصدقة لأن الصدقة فيها فوائد كثيرة وما يكفي هالموضوع اني اقولها كلها لكن ابذكر فائدة قصيرة عشان أختصرلكم موضوعي لماذا يختار الميت الصدقة لو رجع للدنيا؟ كما قال تعالى (رب لوﻻ أخرتني إلى أجل قريب فأصدّق)؟ قال أهل العلم : ما ذكرالميت الصدقة إلا لعظيم ما رأى من أثرها بعد موته" فأكثروا من الصدقة فإن المؤمن يوم القيامة في ظل صدقته. وتصدقوا عن موتاكم فإن موتاكم يتمنون الرجوع للدنيا ليتصدقوا ويعملوا صالحا فحققوا لهم أمنيتهم وفيه كثير من الناس ودهم يتصدقون للجمعيات لكن ما معهم الا مبالغ قليلة إما لأنه طالب يعني ماعنده راتب أو غيره فما وده يروح للجمعية الخيرية عشان المبلغ البسيط اللي معه فالجمعيات الخيرية وفرت طرق تقدر تتصدق فيها وأنت جالس ببيتك ومرتاح وتكسب الأجر بإذن الله فصار الحين تقدر إنك تدفع عن طريق جوالك وياصل المبلغ للجمعيات الخيرية والطريقة إنك ترسل رسالة فارغة لرقم الجمعية فتكون تبرعت ب (10 ريال) وتقدر تشترك بإرسال رقم (1) فياخذون منك يوميا (40 هللة فقط ) وفيه ببعض الجمعيات توفر اشتراك عن الوالدين بإرسال الرقم 11 فياخذون منك يوميا (40 هللة فقط ) طبعا الاشتراك اليومي تقدر انك تلغيه متى مابغيت اذا تبي تتأكد من الجمعية اللي تبي تتبرعلة فهم يرسلولك شرح للتبرع من أول مره تتبرع لها طبعا الكثير منكم شاف اعلانات ولا وصلته رسايل من الجمعيات فراح اذكر الجمعيات اللي أعرف وإذا فيه أحد يعرف جمعيات غيره يكلمني أضيفة للموضوع الجمعيات هي : 1- المؤسسة الخيرية لعمارة المساجد عن طريق الرقم (5094) 2- جمعية تحفيظ القرآن الكريم بالرياض عن طريق الرقم (5090) 3- الصندوق الخيري لصالح جمعيات تحفيظ القرآن الكريم بالمملكة عن طريق الرقم (5051) 4- جمعية كلانا لمرضى الفشل الكلوي عن طريق الرقم (5060) وللمساهمة في بناء الوقف أرسل رقم 5 5- الجمعية السعودية الخيرية لمكافحة السرطان عن طريق الرقم (5070) 6- جمعية الأمير سلمان للاسكان الخيري عن طريق الرقم (5040) 7- الجمعية الخيرية لرعاية الأيتام ( إنسان ) عن طريق الرقم (5055) 8- جمعية سند الخيرية لدعم الأطفال المرضى بالسرطان عن طريق الرقم (5083) 9- المؤسسة الخيرية الوطنية للرعاية الصحية المنزلية عن طريق الرقم (5059) 10- جمعية الأطفال المعوقين عن طريق الرقم (5050) 11- للإشتراك في باقة( الشيخ مشاري الخراز ) وهي خيرية ريعها يذهب لحفر آبار ورعاية أيتام أرسل رسالة فارغة للرقم (5011 )وتأتيك التعليمات هذي أرقام كل الجمعيات الخيرية اللي أعرفها واللي يعرف غيرها ياليت يقولي طبعا هذي الأرقام للي شريحته الاتصالات السعودية مدري اذا ينفع موبايلي ولا زين ياليت أحد يفيدنا الصراحة أنصحكم تتبرعون للجمعيات هذي تراه مبالغ بسيطة غير مكلفة كل واحد يتبرع باللي يقدر عليه وبإذن الله ماهو خسران والله يبي يعوضه ويرزقه في الدنيا والآخرة وأنصحكم تتصدقون عن موتاكم فكثير من الموتى بحاجة لأن نتصدق لهم تذكر إنك راح تسعد الميت إذا تصدقت عنه ختام الموضوع أسأل الله العظيم أن يكتب لي ولكم الأجر ويجمعنا في الفردوس الأعلى من الجنة ولا ينقطع عملنا الصالح حتى بعد مماتنا اذا لم تستطع أن تتصدق فأنشر الموضوع وخلي غيرك يتصدق وتكسب الأجر لأنك خليت غيرك يتصدق والسلام عليكم ورحمة الله وبركاته 
|
|
|
العرض الشجري