|
|
#1
08-02-2014, 12:02 AM
|
|||
|
|||
تعبانة ومحد يستاهل نتعب علشانه
السلام عليكم غالبا الشخص الي يواجه مشكلة ليحدد ان المشكلة من طرف خارجي او بسبب هذا الشي او هذاك ، بس مشكلتي صارت في التعب الي في نفسي والاختناق الي أعاني منه والسبب...... بصراحة مامر علي يوم وما كنت فيه متوترة ومتضايقة وكله من اهلي، تعبانة تعبانة بشكل فضيع احس مخي مو معاي أدور حد ايلس معاه يحترمني او يفهم الي اقوله بس محد متفيج.... من كثر ماكنت متضايقة كيف فكرت اني ينتحر يعني بس تميت ارقد وادعي على نفسي من القهر ... ابا افهم ليش انا جي صارلي؟ ليش كنت ضعيفة الى هذه الدرجة الي خلتني أضيع وقتي وحياتي بهذا التفكير؟ وكنت كله احس اني مالي قيمة في الحياة ومالي رأي ومالي أهمية ... امي موووول ما تسويلي سالفة وياريت على موقف واحد ولا موقفين وصلت لمرحلة اني بديت اكرهها بشدة ، وكله تتكلم مع اختي الي اكبر عني بس بسنة اي شي هي تقوله تسمعه حتى لدرجة ان اختي تطنز علي من وراي ولا تحتقرني جدامها وهي ما تقول شي، ولما اتكلم معاها تتنرفز مني وتصارخ في ويهي وتستغل لما اصيح وأقولها لا تسوين جي وياي وتزيد الطنازة علي، انا وايد تعبت ... وبصراحة سنين ما كنت قادرة افتح هالموضوع مع احد من كثر ما معاملتها خايسة وياي عقبت شهادة التخرج مافكرت لا أعرس ولا اشتغل ولا افكر اي تفكير زين حق نفسي كله احس اني بنت مب زينة ، وهي لو تطلب مني شي علطول اسويلها، وتسبني لما شي يكون قاصر ، وانا كله احس بضيج ... اما اختي العكس تماماً ولا مرة خلت شي يضايقها او يزعلها، عائشة الحياة وتتحسب انها شيخة على نفسها وغيرها، شوفوا هالموضوع الي ممكن يكون تافه في عين البعض، ليش انا اضطر اكتبه؟ مب حرام اعيش هال نفسية الزفتة طول الوقت؟ حتى اختي تيلس تنتقد وتقول عني اشياء من واي وهذا كلللله عاااااادي عند امي وتأخذ كلامها، ومرات تعاملني بطريقة وايد غريبة ، وانا كله حاطة في بالي ان شي فيني واني سخيفة واني كريهة ... محتااااااااارة وماعرف شو اسوي بعمري؟ وكيف اعيش؟ فقدت الإحساس بالحياة صراحة 
|
 |
|
|
العرض العادي
