|
|
#1
07-25-2014, 02:24 AM
|
|||
|
|||
شو رايكم بالقروض الشخصيه هل هي ضروريه
شو رايكم بالقروض الشخصيه هل هي ضروريه
السلام عليكم ورحمة الله وبركاته كيف الحال خواتي ؟ شو رايكم بالقروض الشخصيه؟؟؟:19: هل هي فعلا ضروريه:26: يعني كل واحد راد مثلا يشتري سياره :16: اخر موديل لازم ياخذ قرض من البنك وعلى اقساط يمكن يفشل في سداده وتطبق عليه سياسة البنك وبعدين في حال ماسدد يمكن يروح الحبس ادري ان الحبس للرجال ولكن!!!!!!!!! او مثلا راد يبني فيلا ياخذ قرض وحاله يعني انا اعرف القروض مفروض تكون لاشياء طارئه يعني ليش مايحط في البنك حساب يدخر فيه فلوس السياره او البيت ويكون صعب يسحب منه الا لضروره واذا وصل المبلغ على الاقل للنص او اكثر يبدا بشراء او البناء وغيره من الامور يعني ليش القرض حل سريع لكل شي؟ يبي يعرس قرض يبي يسافر قرض يبي يبني قرض يبي يتسوق credit card !!!!!!!!! ليش كل شي قرض في قرض والدين مكروه يعني الواحد يمكن يموت وماسدد دينه يتعب حتى في اخرته !!!!!!! ليش الناس ماتحاول تبني نفسها من غير البنوك انت اول واخر شي بتدفع جمع الفلوس او دور لك **در رزق يعني اشتغل اكثر من دوام وجمع فلوس وحطه في حساب خاص مااعرف يمكن فكري ناقص في الموضوع بس اسمع قصص كثيره ان ناس انحبسوا وتبهذلوا هلهم بسبب القرض حتى وافدين واكتشفت ان الوافدين والمواطنين واحد في الموضوع يمكن الوافد ازفت عشان يفتحون مكاتب خاصه ويشتركون مع المواطن يوم يخسرون مايعرفون شو يسوون!!!! مااعرف وقريت اليوم في الامارات اليوم http://www.************.com/business...source=twitter يعني خلال 5 شهور 14 مليار يعني دوله قرضها يمكن مب 14 مليار !!!!!!!!! شو رايكم ؟ الموضوع مبالغ فيه ولا صحيح؟ 
|
|
|
العرض الشجري