|
|
#1
07-18-2014, 01:51 AM
|
|||
|
|||
ماظن في حد عايش عيشتنا الحمدلله على كل حال
ماظن في حد عايش عيشتنا الحمدلله على كل حال
:30: مرحبا . .***************************************** في موضوع من مدة ابا احطه واستفسر عنه .. بس بليز من دون تعليقات جارحة او استهزاء ، في ناس بسيطة وع قد حالها وما يحتكون وايد بحد عشان يشوفون ويتعلمون .. لكن مع ظهور الانستقرام وغيره من السوشال ميديا اكتشفنا ان نحن مب عايشين حياتنا مثل الباقين حتى كل حد يعرفنا يحس ان نحن مب طبيعيين* .. طلعاتنا محدوووودة جدا بس للسوق او نقضي شي ونرد .. بس اكتشفت ان في بنات مول ما يقعدون في البيت طلعات ووناسة وعزايم وبارتيات ويحضرون ايفنتات وحلوو الشي ، يعني الوحدة ما عندها وقت تحس باكتئاب او تفكر في اشيا شاغلة بالها .. صدق الحياة حلوة .. لكن نحن محرومين من هالشي .. اهلي (قصدي امي وابوي) بحكم انهم كبار ف السن ومب اجتماعيين وما يشوفون حولهم ان الدنيا تغيرت وصار عادي البنات يطلعون ويا اربيعاتهم وجيه ويستانسون .. فدايما يوم اربيعاتي يخبروني ويعزموني اطلع حجج من تحت الأرض عشان ما اروح لأن اعرف اهلي ما بيطيعون والقهر بعدين يقولون لها ما شاء الله بنت فلان جيه وجيه انزين انتو ما تخلونا نكون شراتهن.. وهالشي ادى لوايد اشيا سلبية :* 1. احس ماعرف الموضة او شو البنات صاروا يلبسون وكيف صاير الاستايل .. زين ان في انستقرام عالاقل نتعلم .. والله بنات اصغر عني وكشخة واستايل واناقة واسلوب ما شاء الله وانا الله يستر علي 2. احس محد يشوفني ولا اشوف حد .. هالشي ممكن ياثر على تأخر الزواج .. يعني محد يعرف عن وجودج اصلا عشان تفكر تخطبج لاخوها او ولدها (للعلم ولا وحدة من خواتي معرسات وانا اصغر وحدة ودايما ادعي لهن بالزوج الصالح .. بس** انقهر يوم اربيعاتي كله يقولون محد خطبكم وجيه ..* 3. احس صرت اخاف اروح لتجمع بنات احس اني بكون غير عنهم كاستايل وتصرف وجيه صرت مب اجتماعية و لاني ماشوف كيف الدنيا صايرة .. حتى لو بجرب اسوي نفس البنات احس مب لايق لاني مب متعودة ويبين ان غلط مع انه شكلي صغيرة وكتكوتة ولايق علي لو اتدلع .. فهمتو قصدي صح* 4. حتى لو الحين وقت الاكل .. الحين طبعا مب نفس قبل .. الحين يحطون صحن كبير وفوقه صغير وعقب bowl الطاسة يعني .. ادري البيغ دش بيكون للطبق الرئيسي والصغير للمقبلات والbowl للشوربة مثلا .. بس ماعرف اصب واغرف لروحي ولا هم لازم يحطولي .. وابدأ بشوو اول شي وكيف واحس كل حد بيطالعني .. مول استغفر الله مب اجتماعية .. صدق حد يخبرني الترتيب وكيف والله ما ات**خرر .. حتى لما تصير عزايم واعراس مانروح ولا امي تروح ولا ابوي حتى اعراس اهلنا بالمذلة نروح ، نبا نروح لكن امي ما اتطيع وتذلنا ذل حتى لو عرس ولد عمي واقرب الناس. اتصدقون ان اكثر عن نص اهلنا ما يعرفون اشكالنا بس اسامينا .. وعادي كل 5 سنوات نحضر عرس واحد بس حتى بسبة ان نحن جيه اوفرر .. لو ابوي يترقد ف المستشفى محد بيزوره الا واحد ولا 3 .. وعقب يزعلون ويقولون مافيهم خير .. انزين ليش تزعلون دامكم ما تتصلون ولا توجبون ولا شي .. كيف تبون الناس تسوي الواجب معاكم ..* استغفر الله ساعات احس لو حد بيموت عندنا محد بيحضر .. والله حتى العزاا ما نروح .. امي وابوي وايد يحبووونا وايد .. بس مول مب اجتماعيين وخلونا شراتهم من خوفهم علينا . . ما عرفوا انهم دمرونا وضرونا بالاسلوب .. اتصدقون عادي يمر 6 شهور محد ايينا حتى ولو فجاة ناس بيونا طواري ومانعرف شو نسوي .. حتى مواعين حق التقديم مب نفس الناس مال ايام الغوص . . لان هم ما يعرفون الناس كيف استوت .. بتقولون انتو دامكم تشوفون ف انستقرام روحوا اشتروا وسووا .. ترانا جربنا و هم يتحرون هالسوالف بس عند الشيوخ ما يعرفون ان الناس العادية صارت هابة فهالسوالف .. بس الله كريم .. حبيت افضفض وصدق لا تنسون جاوبوا ع سؤال المواعين هههه اصلا هالموضوع كله عشان هالسؤال************************************ ******* ******************* ************************************************** **** .. ودعواتكم حياتنا تتغير للاحسن والله يهدي اهلي .. ****** ولو سمحتوا من دون تجريح واستهزاء او تقولون من وين طالعين انتو وهالكلام .. ترى والله في فئة جيه بس عيب والله ومب حلووة********** يمكن الحين كل وحدة طالعه ما شاء الله وانا يالسة احط موضوع هههه:5::24: 
|
|
|
العرض الشجري