|
|
#1
07-16-2014, 11:12 AM
|
|||
|
|||
بريطانيا مابين عراقة لندن وسحر البحيراات
بريطانيا مابين عراقة لندن وسحر البحيراات
السلام عليكم ورحمة الله وبركاته.. وأخيرا بحطلكم تقرير مبسط وصغير وشامل عن رحلتي الى بريطانيا الصيف الماضي من 10-8-2013 ولمدة أسبوعين تقريبا,,,, وكانت موزعة بين لندن ومنطقة البحيرات ,, بوينس تحديدا ومن هناك رحنا زيارة الى مدينة يورك الهادية والجميلة,,, تاااااااابعوني... ] وصلنا الى مطار دبي الدولي الساعه 10 مساء لان طيارتنا كانت الساعه 2 فجرا,, ورحلتنا كانت على خطوط رويال بروناي ,, وبصراحة كانت الرحلة ممتازة جدا بالنسبة لخدماتهم واحترامهم وتشعر بالحميمية في التعامل معهم , وكل شوي يطلون عليك ويسألوك اذا كنت محتاج شي , والابتسامة دايما بادية على وجوههم. ومرت الرحله بدون الشعور باي تعب ولله الحمد [أحب السفر ليلا لان فالليل اتشوف الاضواء الجميلة وخاصة اوروبا ,, مرينا على عدة مدن اوروبية كانت الاضواء لامعه ومنظر جميل جدا جدا اعجبني ونساني الوقت بصراحة وحتى كنت اتابعه بشغف وبالخريطة الي فالطيارة كنت أشوف المدن الي نحن فوقها وأخيرا وصلنا الي بريطانيا وتحديدا لندن مطار هيثرو وكان زحمة فتمينا انطير فوق المطار لين أعطونا الاذن بالهبوط وكانت الغيوووووم كثيره وكثيفة والجو جووووناااان بصراحة ,, هبطنا ولله الحمد والمنة مطار هيثرو وكان زحمه واااايد, لكن الحمدلله مشينا بسرعه بالذات لانهم شافو معانا طفلة أمورة فقدمونا وافتحوا لنا سيد ووصلنا الى الكاونتر وحصلنا هندي يالس ومرتز عليه ورافع خشمه فوق ,,,, ههههههههه انهينا اجراءاتنا بسرعه وخذنا الشنط من السير وطلعنا وحصلنا السيارة الي حجزوها لنا أصحاب البيت الي في لندن واقف دريولهم وكاتب اسمنا على لوحه وينتظرنا , وطلعنا من المطار وركبنا السياره ورحنا بيتنا الي في لندن,, في لندن سكنا في منطقة النايتس بردج ووفقنا باختيار المنطقة بصراحة لان كل شي قريب منها والبيت كان قريب من هارودز بحدود 3 دقاق مشي وطبعا على طول هو خلف الشارع الرئيسي الي يقع فيه هارودز وهالشارع فيه كل شي سواء بقالات مطاعم كافيات صيدليات دوبي حتى صالونات المنطقة حيويه جدا وارتحنا فيها بصراحة كثير. أتركم مع صور المنزل    سيارة واقفه قدام البيت  الحي الي سكنا فيه  حطينا الشنط وطلعنا تغدينا في مطعم ارز لبنان وكان قريب من البيت وبنفس شارع الهاارودز  يمييييييييييييييييي:12:ابصر احه صحن هالشاورما خطيييييييييييييييييير اللحم عندهم لذيذ واااااايد ,:16:  هارودز كان بعد المطعم بشوي :2:     هذا ماعندي لهذا اليوم انتظروني بكره بتبتدي الفعاليات وبنروح سوا للبق بن ولندن اي انتظروووووووووووووووووووو وووووني :36: 
|
|
|
العرض الشجري