|
|
#1
06-20-2014, 12:50 PM
|
|||
|
|||
بيسفر زوجته ويبعدها عنه لانه يحبها
بيسفر زوجته ويبعدها عنه لانه يحبها
السلام عليكم خواتي بغيت اخذ شوركم جاراتي زوجها يبغي يسفرها لأهلها لانه يحبها انا عن نفسي مب **دقه بقلكم السالفة وقولون رايكم قبل سنه جائت عائلة وسكنوا فالشقة ال عدالنا المهم اتعرفت على البنيه من اول يوم سكنوا فيه لان عيالي كسروا طاوله زجاج وهم يلعبون فالممر فرحت اعتذر لها ودخلت قلب من اول ماشفتها حليلها حبابه وطيوبه وايد وحبيتها مثل بنتي وحتى بنتي كانت كل ما تجي هي وزجها عندنا تشوفني جالسه وياها وتقولي يمه احسك تحبيها اكثر عني المهم مرت الايام والشهور وكانت تمدح في زوجها وفي حبه لها واهتمامه بها وكانت مستانسه حيل وحملت عقب 4 شهور من زواجها وكانت مستانسه وتقولي زوجي راح يطير من الفرحه عشان انا حامل المهم قبل ثلاث شهور جاتني و تمت تصيح وتصارخ وتقولي زوجي بيطلقني انزين هديتها وحالوت افهم منها شو السالفه شو مستوي قالتلي هو يحبني ويموت فيني ونا متأكده وحاسه بحبه لي وحبه للمولود ال فبطني قلتلها طيب ليش يبغي يطلقج قالتلي هو من 5 شهور ترك وظيفته وتفنش من الشغل ومن ساعتها وهو يدور على شغل بس كل مايقدم فشركه يحصل رواتبهم ضعيفه لانه هو وافد وباع السيارة عشان يصرف عالبيت ويدفع الإيجار والحين يقولي انا ما ودي اظلمك معاي ولا اتعبك معاي لانه لازم يخلي البيت لانه مادفع الايجار ويبغيني انا اسافر عند اهلي لين اموره تترتب وطلبت مني اكلم زوجها واقنعه عشان ما يسفرها وخذيت رقمه وكلمته واقوله يا ولدي زوجتك تحبك وماتقدر اتخليك وتسافر حرام عليك لا تعذبها المهم ماقدرت عليه ولا قدرت اقعنه وخليت زوجي كلمه وحاول وياه ومافيه فايده وعذره الوحيد يقول انا مابغي اتعبها واظلمها وياي والحين البنيه وحليلها سافرت وكل يوم تكلمني على الايميل لانه فمنطقتهم مافيه تلفون وتطرش لي كل يوم 5 رسايل وتقولي كلموه واقنعوه انا مب قادره اعيش بونه وتقول بموت نفسي لو مارحت عنده او هو يسافر لها ونحن تعبنا ونحن نحاول نقنع فيه انا وزوجي وزوج بنتي بس زوجي وزوج بنتي واقفين في صفه وكله يتعذرون ويقولون الريال صدق عنده حق وين يجيب زوجته وهو من شهر ساكن فالشارع وماعنده بيت ومارضيت اقول حق المسكينه هالكلام عشان ماتزعل والبنيه حاذه فخاطري ومابيدي شي اسويه بس زوجها لو يحبها كان اتصرف ودبر نفسه عشانها صح ولا انا غلطانه قولون رايكم بدون انحياذ لأي طرف 
|
|
|
العرض الشجري