|
|
#1
01-06-2013, 12:29 AM
|
|||
|
|||
كبرياء الجرح
  ياصاحبي لو كان بالعين برقت عرفت من حطك مع النس غاليه وعرفت من يمسح دموعك ليا اغرقت خدّيتك ابدمعك وضمك بياديه وش فيك ما كنك على شوفي اشفقت ما ودك ابشوفي وذكري وطاريه وراك لا جيتك مع الغرب شرقت وان جيت لك من شرق غربتي فيه اغويتني با لشوق حتى تعلقت ما قلت لي : لا لا ولا قلت ليه : ايه ما ابعدتني عنك ولا نتب لي اعتقت بين الرجا والياس قلبي تعنيه شفتك قراح الما بعيني وصدقت واثرك سرابٍ ما سقى كبد ضاميه الله حسيبك ليه با لقلب حرقت وطلح الحزن شبيت با لجوف صاليه قد قيل با لأمثال في ماضي الوقت من لا يعرف الصقربا لنار يشويه كان انت لي مشتاق انا كلي اشتقت وان كان قصدك صد من صد مابيه واعرف لغير الله ما يوم دنقت ولرخي لغير الله راسي ولا احنيه ولا تحسب اني من فراقك توهقت جرحي وابا القى له طبيبٍ يداويه ولا ضاق صدري في سما الشعر حلقت اشعل دجى ليله بنجمي واضويه وما قول انا اللي في قصيدي تفوقت كم شاعرٍ مبدع وقافه يقديه وفعلي حسب قولي أنا ما تدرقت الرجل لا من قال قولٍ يوفيه وياصاحبي لو كان بالعين برقت المتلي يتلا ما مشى خلف تاليه  شعر: بندر العّبود  
|
 |
|
|
العرض العادي
