أزيكم يا بشمهندسين ... يارب تكونوا كلكم بخير .. انا عايز أخد رأيكم كلكم فى الموضوع اللى بفكر فيه من مدة و عندى أمل امه و طموح كبير و حماس ملهوش أخر انى أحققه إن شاء الله بفضل ربنا و مساعدتكم ..انا مهندس ميكا***ا دفعة 2009 بس بقالى 3 سنين شغال فى مجال الإدارة فى شركة دهانات ( مهندس تخطيط و متابعة إنتاج ) بس خلال الفترة دى كنت بشتغل تصميم أنظمة تكييف مركزى و حريق و صحى لمشاريع مع دكتور فى الجامعة بس كان شغل حر يعنى لما بيجى مشروع بصممه مع الدكتور و بتكون ليا مكافئة فى أخر المشروع و الموضوع ده حصل مرة واحدة خلال أخر سنه .. بس انا حابب المجال ده أوى و حابب جدا أنى أشتغل فيه و دورت كتير على شغل فى المجال ده بس لسه محصلش نصيب بس إن شاء الله ربنا هيكرم .. و خلال الفترة اللى فاتت حاولت على قد م أقدر مضيعش وقتى و أخدت كورس تصميم تكييف مركزى و كورص تصميم شبكات الصرف و خلصتهم الحمد لله و برضه لسه بحاول أدور على شغل فى المجال ده و إن شاء الله عندى أمل أنى أشتغل فى المجال ده قريب ( أدعولى ) ... المهم علشان انا طولت عليكم .. اللى عايز أخد رأيكم فيه أنا بقالى فترة بحلم أنى لما أوصل لسن 35 أو 40 سنة كدة إن شاء الله أفتح شركة مقاولات كهروميكا*** أو مكتب إستشارات هندسية فى المجال ده .. فلو ممكن المهندسين أهل الخبرة يفيدونى و يعرفونى أيه هى الخطوات اللى المفروض أمشى عليها من دلوقتى علشان ربنا يكرمنى و أحقق حلمى ده ( يعنى يرسمولى خطة عمل أمشى عليها من دلوقتى ) و فعلا أنا واثق انى هلاقى اللى يفيدنى و يخلينى أمشى على الطريق الصح من المهندسين فى الملتقى ده إن شاء الله... مستنى ردكم فى أى حاجة تخص سؤالى .........
12-03-2012, 05:32 PM
موضوع يهم كل مهندسين التكييف الطموحين بجد
العرض الشجري