|
|
#1
04-06-2017, 01:20 PM
|
|||
|
|||
المساواة مع الحريم
المساواة مع الحريم
الناس اللي ينادون بالمساواة بين الحريم والرجال محتاجين فحص مخ، فيه مواصفات بالرجال ما هي بالحريم، وسبحان الخالق اللي خلقهم وفرق بينهم، كلن عطاه مواصفات تختلف عن الثاني، الحرمة أدنى شي يزعلها، ومهما سويت لها، لو جيت مرة واحدة ما قدرت تسوي لها شي نست كل جمايلك ولا كنك سويت شي زين بحياتك، قليل من الحريم اللي ربي طارح فيهن البركة، قليل منهم اللي تساعدك تكون رجال ناجح بحياتك ولك قيمة، كثير منهن تحاول تنفض اللي وراك ودونك عشان يمكن لا زادت قروشك تفكر تتزوج عليها، قليل من الحريم اللي تحس بزوجها وتحاول انها تحافظ على كل قرش ما ينصرف إلا بمكانه الصح، صحيح ان الرجال ما عاد هم زي رجال اول، وصحيح ان فيه حريم متورطات بازواج علة على القلب، بس الحرمة السنعة هي اللي تسنع رجالها وتصبر عليه وترزه بين الرجال، الحرمة عقلها على قدها، وعشان ما نعمم نقول ان كثير من الحريم عقولهم عقول بزارين، ما يوجعها قلبها على زوجها، وعندها استعداد تشوفه يشحذ بس ما يتزوج عليها، وبعضهم ما تسمع ولا تصدق إلا نصيحة خوياتها وضاربة بنصايح زوجها عرض الحايط، ودها تشتري أي شي يمدحونه صديقاتها، ودها تسافر لأي مكان عاجبها، وبس ليل نهار تفكر بودها ولا عمرها مرة واحدة فكرت بزوجها وش وده، حريم هالوقت ثقل بلا دفا! 
|
|
|
العرض الشجري