|
|
#1
08-29-2016, 02:40 PM
|
|||
|
|||
عشان كده أنا اشجع النمور، الحمد لله
عشان كده أنا اشجع النمور، الحمد لله
الحمد لله، ناخدها بفضل من الله وتوفيقه، تجي اطعم واحلى، وخلي المحلي محلي طول عمرو، هذا رد على إحدى المواضيع، للكاتب الجميل، طقها والحقها، حبيت الرد يكون في موضوع مستقل، وسميتو، عشان كده أنا أشجع النمور الثغر، صغير جده، وحارسهم سابقا احمد عيد خدوا التحليل وال**ده، المباراه الاولى مع الإتفاق اللعب كان مقفل والسومه كل كوره يشوتها تطلع بره وبشكل مضحك والحظ مو ماشي مع الثغراويه ابدا، حتى جاء عتين محور الإتفاق واعطي فيتفا فاول قريب من الطمنطعش، فاول مالو داعي، وكأنو يقول للسومه معليش إذا ماهي ماشيه معاك في الكور المتحركه، خدلك كوره ثابته وشوتها وإنت مركز، وجات هدف في نهاية الشوط الاول، الشوط التاني، كوره تصقع وتبنط وتجي مقشره لتيسير ويعرضها ويلقطها بصاص هدف تاني، قوة حظ خصوصا في التبنيطه، وبعدين الإتفاق جاب هدف والنتيجه 2 - 1 طبعا نتيجه صعبه لأنو الثغر خايف الان من التعادل، يقوم هزازي الإتفاق يحط يدو على السومه في كوره ميته والحكم ما يصدق ويحسبها بلنتي، ميته ليش، لأنو الكوره كانت بعيده عن السومه ولم تكن بجوار رأسه، يعني لم تكن فرصة هدف محقق، فهد المولد اندفع وهو جاري للباب كتير في الموسم الفائت ولم يحسب شي، المهم وبعد كده صار موضوع الهدف الرابع موضوع وقت لان السومه جاب البلنتي في الدقيقه 80 تقريبا وصارت النتيجه 3 - 1 حظ لا اكثر ولا اقل، والدليل ان الإتفاق فاز على النصر* اتوقع ان الثغر سيكون مثل التعاون الموسم الماضي، يا رابع يا تالت ومباراة الفتح، الكل شاهد كيف هدفهم جا نادي الدلال، وكالعاده، اول مباراه مع الباطن، اللعب مقفل، والباطن بيلعب مبارة العمر ومباراة العقود ومباراة لقمة العيش، وجا حكم الخط ومشالهم تسلل واضح جدا جدا جدا وجا الهدف الاول، طبعا اللعب فك وجا التاني، ونحنا الموسم الماضي وفي مباراه **يريه مع الفتح، إنفرادين لمختار اتحسبت تسلل وبشهادة جميع الناس وعيني عينك هدا غير البلنتي وهدا الحاصل يهووو، ويقلك اخطاء الحكم جزء من اللعبه، والمحصله إنو لنا كم سنه والمنتخب لا بطوله آسيويه ولا تأهل لكاس العالم والثغر والدلال انسوا، انسوا يجيبو الآسيويه او التأهل لكاس العالم للانديه يجيك واحد دحين ويقول لازم نجهز فريق يهزم الفرق الاخرى والتحكيم كمان، ههههههههههه، طيب ربنا موجود إسم من اسماء الله ا***نى، الموجود وإسم من اسمائه ا***نى، المنتقم، القوي، الجبار والدنيا تدور ياواد وسلامة النمور في كل اصقاع الارض 
|
|
|
العرض الشجري