|
|
#1
08-18-2016, 04:07 PM
|
|||
|
|||
جواز لوبيا حمرا على طريقتي
جواز لوبيا حمرا على طريقتي
الان نمر الى الطريقة في طنجرة تحطي بصل مقطع رقيق و سنينات ثوم مهروسين (خلي سنة او اثنين على جيه) و ورقتين رند و لحم مقطع صغير و الزيت و التوابل و الملح و الجزر مقطع بالشكل لي تحبيه و قلي الكل مليح  .بعد ميتقلي اللحم مليح و يطلق الماء تاعو زيدي الطماطم ال**برة و زيدي قلي الكل مع زيادة حوالي ملعقتين ماء باه متتحرقش التقلية . ثم مرقي بحوالي نصف لتر ماء. كي تغلي المرقة ارمي فيها الوبيا تاعك اذا راكي طيبيها بالدجاج اما اذ كنتي راكي طيبي باللحم استناي حوالي ربع ساعة الى عشرين دقيقة قبل مترمي اللوبيا و متنسايس تعسي على المرقة تاعك اذا يخصها الماء زيدي ماء مغلي لازم يكون مغلي . كي يطيب اللحم و تشوفي اللوبيا قريب تطيب بصح مزال حاكمة روحها زيدي ارمي البطاطا تاعك مقطعة قطع متوسطة باه متذوبش في المرقة و زيدي معاها سنتين ثوم مهروسين و شوية دبشة او معدونوس  . و خلي الكل يطيب لازم اللوبيا تاعك جي تقريبا ذايبة في الفم . كي توصل لهذيك الدرجة طفي عليها و زيدي على وجه المرقة رشة كمون و شوية معدنوس و شهية طيبة    . ملاحظة يمكن طهي العدس و اللوبيا البيضاء بنفس هذه الطريقة فقط اللوبيا البيضاء تحطيها مباشرة بعد ان تغلي المرقة و تكون باتت في الماء ليلة كاملة طبعا اما العدس فتغسليه مليح في ماء ساخن و ترميه في المرقة كي قريب يطيب اللحم اما اذا كان دجاج تقدري ترميه بعد متغلي المرقة مباشرة ملاحظة ثانية زيادة البطاطا في مرق العدس يساعد على هضم العدس بالنسبة للاشخاس الذين يعانون من عسر في هضم هذه البقوليات و كل البقوليات عموما من المستحسن زيادة خضر معها 
|
|
|
يا ريت تقولولي كيفاه تسموها . 
العرض الشجري