|
|
#1
08-01-2016, 10:42 AM
|
|||
|
|||
قاطو الطبقات بالعسل والمعجون يمييييييييييي
قاطو الطبقات بالعسل والمعجون يمييييييييييي
صباح الخير لبنات اليوم جبتلكم قاطو الطبقات صراحة اول مرة نخدم هاذ النوع وجاني يهبل مات عليه راجلي وقالي جا خفيف والذوق نتاعو مابان بسبوسة مابان باتيسري. للامانة حبيباتي الوصفة نتاع ام اماني جزاها الله لكن بدلت فيها حوائج بزاف.اني مبعد نحط الرابط. المقادير و طريقه التحضير: فوق النار تحطي كاس مرغرين ذايبة نص كاس سكر احرش ام اماني حطت كاس خفت تجي حلوة مالا نقصت لانك راح تزيدي مع الخليط نص كاس عسل.خليهم علي نار هادية حتي يذوب السكر.كيبرد ضيفي 2بيض وخلطي مليح بالباتور انا زدت قرصة ملح و مغرفة كبيرة نكهة القهوة. والفرينة وزوج مغارف بيكربونات.اول مرة نخدم بيها وفعلا خير من لخميرة.هاد القاطو مافيهش لخميرة لانو البيكاربونات تعمل عمل الخميرة. تتحصلي علي عجينة طرية. تقسيمها علي 3 اقسام 2اقسام كبار متساويين وقسمة صغيرة.  تحل العجينة فوق ورق الطهي وحاولي ترقي شو ي العجينة انا المول ليدرتو الكاري نتاع الفور العادي.ام اماني طيبت العجينة علي مول مقلب بصح انا طيبو عادي وكيطاب نقلتو علي مول مقلب باه يجي التشكيل ساهل.  مدة الطهي ما تغفليش يطيب ليه ليه انا حطيت القرصة الاولي وبديت نقرص فالثانية طليت نشوف طلع القاطو ولا لا كيعاد مادرتلوش لخميرة لقيتو قريب تحرق.:mad::mad:;):mad: الخلطة الي درتها القرصة الاخير ة كان لازم نقص فيها لانو هاد القرصة راح تترحي وكيرحيتها جات بزاف وفضلتلي.  والمونتاج : تحطي الطبقة الاولي وتحطي فوقها معجون الي تحبي انا زدت فيه ماء الزهر وفاني.وتذري شوي كاوكاو.  تزيدي الطبقة الثانية وتدهني معجون وترشي كاوكاو. الطبقة الاخير ة تفتتي القاطو ومن الاحسن في سيار مفتوح وتذري فوق الطبقة الثانية.وتخطيه بالنيلو لازم يبان ليلة كاملة باه يطري.(ام اماني دارت ثلاث طبقات ورشت الاخير بالكاوكاو)   انا قطعتو مقروطات كنت حابة نزيد نزينو بالشيكولا ومبعد قلت خليه سامبل.     ان شاء الله يعجبكم الموضوع وارجو التقييم حبيباتي:19::19::19::19::19: :mh31::mh31::mh31::mh31::mh31::mh31: هاذا رابط وصفة ام اماني http://www.djelfa.info/vb/showthread.php?t=1184304 ??????? ??????: قاطو الطبقات بالعسل والمعجون يمييييييييييي || ??????: ahlam1399 || ??????: اسم منتداك
|
|
|
العرض الشجري