|
|
#1
02-12-2014, 12:40 AM
|
|||
|
|||
النور اللى فى حياتنا اطفى خدته قبرها ليها لوحدها
النور اللى فى حياتنا اطفى خدته قبرها ليها لوحدها
[COLOR="Green"] السلام عليكم ورحمه الله وبركاته انا جايه النهارده اكتب عن شخصيه اثرت جدا فى حياتى لدرجه مفيش حاجه اعملها غير لما افتكرها وهى تعلمنى فيها حاجه وبقيت مش عارفه انساها هى جدتى اتوفت امبارح بعد مرض شديد الحمدلله ربنا رحمها وكانت سبحان الله بدر منور ماشاء الله رجعت كانها فى الثلاثين وكل علامات المرض اختفت سبحان الله وبقت منوره وجميله شكلها مش حاسين ان عندها فوق التسعين و علامات حسن الخاتمه ظهرت عليها فضلت تذكر ربنا لغايت خروج الروح تسبح وتحمد وتصلى على الرسول صل الله عليه وسلم وتعرقت كتييييير< زى الرسول صلى الله عليه وسلم ماقال يموت المؤمن بعرق الجبين > وده حصل معاهاوالحمد لله وكانت خفيفه فى الغسل جدا كانت بتتحرك بسهوله وكانت الجنازه سريييعه جدا لدرجه الناس الغريبه بتقول انتم بتجرو على طول فى الجنازه كده من كتر ماهى سرييعه الحمدلله ربنا يتقبلها من الشهداء ويرحمها ويصبر اهلها انا حبيت احكلكم عنها كانت بتعمل ايه فى حياتها واالله طول عمرها بتصوم وتصلى وذكر مش بتاعه كلام فى سيره الناس ورغى فى اى حاجه كان لما ولادها يتجمعو عندها تضايف وتكرم ومالهاش فى الكلام الكتيير ده بتسبح وتصلى بس وكان عندها زهد فى الدنيا غييير طبيعى كان لبسها يتعد صيف وشتا وكان معاها مش فقيره وولا دها بيجبولها ماتلبسهمش تطلعهم لحد وتفضل بالجلابتين بتوعها وبس كانت تطبخ وتوزع الاكل على البلد كانت عمتى بتحكى ان وهى صغيره نينا تعمل الاكل والحلويات وتبعت عمتى توزع على الناس والقرايب لغايت ماعمتى تتهلك وهى صغيره من التوزيع على الناس يعنى كانت قمه الكرررم والجووود كانت مابتخرجش من بيتها يعنى اخر مره كانت فى عمره من 12 سنه وقبلها من سنييين راحت لبنتها يعنى ممكن تعدى خروجها من بيتها ولما ابوها مات جدى قالها ماتروحش ماراحتش ولما امها ماتت جدى كان مش موجود ماراحتش يعنى طاعه زوج كمان وشوفو ثواب ام ماتلها 4 ولاد فى اعمار صغيره يعنى من شهور ل6 سنين وصبرت وكمان ماتلها شاب عنده 17 سنه فى يوم العيييد راح البحر الصبح ومجهز لبس العيد عشان يرجع يلبس مارجعش غرق فى يوم العيد شوفو قلبها حصله ايه لما شاب زى الورد مات وخدت ثواب قد ايه ماشاء الله ربنا يبارك ويجزيها خير الثواب كانت نضيفه جدا جدا جدا تقولى لما تنضفى اى حاجه تسبحلك والملايكه تقعد فى البيت يعنى كان كل حاجه عندها عباده حتى العادات بتعملها و كانت نيتها انها لله مش واجب ولا عشان جوزك ولا اهله ولا الناس كان لله بسسسسس وكانت مستخبيه من صغرها هى مش منتقبه وابوها مش شيخ الاسلام وزوجها مش من كبار المشايخ بس هى كده عارفه ان لااازم تدارى على الرجاله الغريبه حتى وهى كبيره فى السن وحتى اخواتها كانت تقابلهم بالحجاب مش عشان اخواتها وابوها عادى فيها ايه لوتقعد بلبس بيت مكشوف لااااشوفو الحياء والله لو كتبت عنها للصبح مش هاخلص هى مش ملايكه بس عرفت دينها على طريقه زماان صلاه وصيام وذكر وقيام ليل وكرم وزهد فى الدنيا وصبرت على قسوة الحياه والناس وفراق ولادها وزوجها ومرضها وبعد ولادها العايشين عنها وانشغالهم عنها ووحدتها وتعبها لما اشتد عليها قالت ان ربنا اكرم من الكل واحسن من الكل وبتذكرالله طول عمرها عشان كده فى مرضها مانسيتهوش وماتت وهى بتذكر ربنا وربت ولادها احسن تربيه واصرت تعلمهم وتدخلهم كليات وكافحت عشانهم ربناا يرحمها ويحسن اليها ويصبرنا على فراقها ونفضل نذكرها بالخير دايما ونتعلم منها انا طولت عليكم بس كان لازم احكيلكم عنها عشان تدعولها ونتعلم منها وفى امان الله OLOR] ال**در: منتدى عدلات النسائي
??????? ??????: النور اللى فى حياتنا اطفى خدته قبرها ليها لوحدها || ??????: ahlam1399 || ??????: اسم منتداك
|
|
|
العرض الشجري