[من مطبخي] طريقة السبانخ للعدولات المبتدئات,مطبخ مايا علي,أكلات رئيسية

[ahlam1399]

[من مطبخي] طريقة السبانخ للعدولات المبتدئات,مطبخ مايا علي,أكلات رئيسية

[من مطبخي] طريقة السبانخ للعدولات المبتدئات,مطبخ مايا علي,أكلات رئيسية

طريقة السبانخ للمبتدئات الحلوات من مطبخ مايا علي
النهاردة عملت سبانخ وطبعا كلنا عارفين أهمية السبانخ ومش عايزة أقولكم أنا بمووووووووووت فيها قد ايه؟:228:
الأكلة دى بتكفي معايا يومين
3 أفراد وفيه فرد صغنونة بنتي كنزي ربي يحميها
ادعوا بنوتى جنى تكبر هي كمان وتاكل معانا بالهنا
وطبعا مقاديرك بتتحكمي فيها حسب أفراد عيلتك
وفيه حاجة كمان عايزة أقولها للعدولات اللي بتشتغل حاقولهم حاجة تسهل عليهم الأمور معاها وتنجز ممكن تسلقي اللحمة اللي بتستعمليها بالأسبوع نص سلقة وتشيليها بالثلاجة لحد ماتستعمليها
حاجة تانية بنصحكم بيها سواء بتشتغلى أو مش بتشتغلي وحتساعد معاكى كتيييييييييير في الأكل وتنجز معاكى في الوقت
جيبي حلة الضغط بصراحة بتنجز معايا في حاجات كتيرة جدا بعمل فيها كل الحاجات اللي بتتسلق
وبعمل كمان الكوارع والممبار فيها بتطلع الحاجة جميلة جدا ومابتاخدش وقت خالص عموما هى نصيحة ليكي ولكل عروسة طبعا
نشوف مقاديري
1/2 كجم سبانخ
أنا ببقي مخزناها عندى بالديب فريزر
3/4 كجم طماطم مضروبة ضربا مبرحا:20:و**فاه:7:
1 بصلة كبيرة مفرومة فرم خشن
3/4 كجم لحمة مسلوقة نصف سلقة عشان تنجز معاكى بسرعة
ملح فلفل أسود
للطشة:3 فصوص ثوم كبيرة
1/ملعقة كبيرة ك**رة ناشفة
ياللا بينا عالمطبخ ونشوف حانعمل ايه؟
حتحطى حلتك عالنار وحطى مادة دهنية
ضعى البصلة المفرومة وسيبيها تذبل شوية وبعدين ضعى اللحمة المسلوقة نص سوا قلبيها في البصلة لحد ماتبقي البصلة ذهبية حطى الفلف الأسود عشان يبقي فيه ريحة حلوة ويظهر مذاق الفلفل
ضعى الطماطم المضروبة:20: وسيبيها تتسبك
بعد ماتسبكت ضعى السبانخ علطول وضعى مقدار من شوربة اللحمة
لحد ماتلاقي كميتها مناسبة كله موضح بالصور
دوقي الملح بتاعها وخلى بالك وانتى بتحطى الملح لان السبانخ طبيعتها حادقة
سيبيها تاخد غلوتين عالنار علبال ماتحضري الطشة للسبانخ
حضري الطشة بتاعتك افرمى الثوم مع الك**رة الناشفة ونترة ملح
حطيها في قليل من السمن في طاسة وقلبي لما تلاقي اللون زى مافى الصورة
ضعى الطشة واقفلي الحلة بسرعة عشان تحتفظ بالرائحة الحلوة
افتحيها بعد شوية وخدى قليل من السبانخ وضعيها بالطاسة اللى كان فيها الطشة عشان لو فيه أى بواقي وضعيها بحلتك
وكده السبانخ جاهزة
قدمي معاها أرز أبيض
شوفي الصور معايا ياعدولة























حضري الطشة ياعدولة










قدميه بالشكل ده يارب يكون عجبكم الأكلة
بالهنا والعافية


في أمان الله حبيباتى:227:

ال**در: منتدى عدلات النسائي

??????? ??????: [من مطبخي] طريقة السبانخ للعدولات المبتدئات,مطبخ مايا علي,أكلات رئيسية || ??????: ahlam1399 || ??????: اسم منتداك

https://hameed.nwar.uk/vb

كلمات البحث

العاب ، برامج ، سيارات ، هاكات ، استايلات