|
|
#1
04-28-2016, 06:44 PM
|
|||
|
|||
مورّقة من مطبخي
مورّقة من مطبخي
السّلام عليكم ورحمة الله وبركاته أحبّتي في الله اليوم جبتلكم المورّقة وكاين اللي يقولولها الملوي ، وهي تقريبا كيما المسمن من حيث العجينة بصّح الشكل يختلف تماما نخليكم مع الصور باه تفهموا أحسن الطريقة ساهلة أنا درت زوج كيلات سميد بتقريبا كيلة وشوية فرينة وملح وعجنتها بالماء عادي ، لازم تنعجن مليييييح حتّى يبدا العجين يطرطق بين يديك ، ديريها خبزات متوسطين وخليهم يرتاحوا ، السر فيها لازم تخلّي العجينة ترتاح هنا كيما خليتها ترتاح  هنا بديت نقرص فيها أنا استخدمت الزيت و**دة بصح ماكثرتش مايحبوهاش مزيتة بزاف ، ورشيت من داخلها شوية سميد  وممبعد نطبقوها كيما المسمن ، تقدري تبداي تروليها ديراكت بصّح بهاذي الطريقة تجيني أسهل  [/]  هنا لازم نخلوها تريح شوية باه تجينا ساهلة كي نقرصوها ممبعد نقرصوها ونسخنوا الطاجين مليييح ونحطوها طيب على نار هادئة شوية ، وندهنولها وجهها بالزيت من الجهتين  وهنا كي طابت  نتمنى تكونوا فهمتوني من مدة ماحملتش الصور ، تقريبا نسيت الطريقة بالسيف باه طلعولي صدقوني تجي مليحة وخفيفة مقارنة بالمسمن ، عندنا في منطقتي يبيعوها بكثرة في الحوانت نظن 50 دينار للخبزة ، سيرتو في رمضان تتباع بزاف ولادي يموتوا عليها كي نديروها من الطّاجين يبداوها :1: 
|
|
|
العرض الشجري