اليوم جبتلكم الطعام القبايلي المفشش بالبيض و اللحم. هو طبق قبائلي قديم انا كنت نسياتو حتى فكرتني بيه حبيبتي ام كاميليا ربي يتفكرها بألف ألف خير و يحفظها يارب .
هو طبق رئيسي مشبع يحضر غالبا في العيد الكبير كي يكون اللحم متوفر بكثرة . على حساب محكاتلي يما كانو نسا يفورو الطعام عادي و يزيدو يقليو اللحم و البيض و يفتتوهم ثم يزيدو عليهم الطعام و هو سخون باه يتشرب من بنة اللحم و البيض . و كاين لي يديروه باللحم وحدو او بالبيض وحدو بصح الشرط الأساسي فيه تكثري زيت الزيتون و ثان متنسايش تزيدي فيه هذاك الماء لي يطلقو اللحم كي يطيب لمزيد من البنة .. امممم . و البيض تطيبيه في نفس المقلاة لي يطيب فيها االلحم .
ايه و نشفى ثان كانت جداتي االله يرحمها تحضر هذا الطبق ليما ربي يحفظها كي تكون نافسة و هذا لانو مدر للحليب و يفيتامينيه طبعا بالنسبة للبيبي . خلاصة القول لي يحب يفشش روحو او يفشش حبابو يدير هذ الطبق و الف صحة و هنا
03-19-2016, 03:23 PM
الطعام القبايلي المفشش بالبيض و اللحم .....اممممم
العرض العادي
