|
|
#1
03-01-2016, 12:40 PM
|
|||
|
|||
اليانسون لتسهيل الولادة بإذن الله
اليانسون لتسهيل الولادة بإذن الله
بسم الله الرحمان الرحيم أولا أدعو الله عزوجل أن يسهل ولادة كل مقبلة على الولادة و ربي يفتح على كل محروم من نعمة الإنجاب اليانسون نحكيلكم عن تجربتي مع اليانسون و علقته مع تسهيل و تعجيل الولادة بإذن الله قبل 15 يوم كانت مرت لوسي مزال ما ولدتش و كانت خايفا بزاف و مع الضروف لي كانت فيها ما تسمحش لزوجها باش يكون معاها يوم الولادة و كان لازم أنا نوقف معها نهار تولد ملا بديت نحوس و نبحث على وسائل لتسهيل الولادة و الحمد لله قريت أنو اليانسون يسهل الولادة و روحت لي بيع الأعشاب قولتلو من فضلك عندك الينسون قالي عندي و حنا تتسمى عندنا حبت حلوى خديتها و عملت تيزانا منها و الطريقة هي خديت ملعقة أكل و نصف يانسون حطيتهم في الكاس و من بعد عمرة الكاس بالماء يغلي غطيتو و خليتو يتلق مدة 10 دقائق صفيتو و أعطيتهولها تشربو هذا الكاس الأول كانت الساعة حوالي 17.00 و خليتها و من بعد على ساعة 21.30 زدت عطيتها كاس تيزانة اليانسون و بفضل الله 1.30 صباحا نوضتني نجري :1::1::1::1::1: و روحنا للمستشفى بعد ما درنا كل إجرأت و مع السطر يزيد عليها دخلت تولد تقريبا كانت الساعة 2و زيادة ،و لله الحمد و بالضبط 3.30 صباحا ولدة و جابت بنيتة لي سماتها وصال و اليوم عندا 15 يوم من الولادة حبيت ننقل ليكم هذ التجربة و إن شاء الله تفيدكم و قبل كلش توكلو على الحي الذي لا يموت فالله هو المسهل و المعين قبل ما نخليكم نعاود ندكر اليانسون هو حبة حلوى والطريقة ملعقة و نصف من اليانسون ----حبة حلوى--- كاس ماء مغلي يرتاح 10دقائق يصفا و يشرب مرتين في اليوم ممكن ضيفيلو العسل أو السكر بالتوفيق للجميع لا تنسونا من صالح الدعاء  
|
|
|
العرض الشجري