|
|
#1
09-14-2015, 09:14 AM
|
|||
|
|||
ماني مندس ولا دخيل انا اتحادي مقهور
ماني مندس ولا دخيل انا اتحادي مقهور
شي يغبن يا اخوان المستوى سيئ و المدرب اسوأ انا من يوم قريت انو راح يتعاقدوا مع مدرب روماني غسلت يدي واللاعبين الأجانب ياأخي شوف لاعبين الهلال شي يقهر إحنا مشكلتنا مع بعض اعلامنا المطبل لمن يتعاقد النادي مع لاعب خد مدح يمتاز بدقة التصويب ويمتاز بالكرات الثابته وهدّاف من الطراز الأول ويطلعوه السما قالوا عن ريفاس جلاد صدقوني في لاعبين عندنا افضل منه مليون مره وكمان المدرب خد مدح ولمن يجي اعلامي محب للإتحاد ومحروق دمه ويبدي رأيه يقولوا هادا مندس وضد البلوي يا اخوان مو شرط نجيب لاعبين اوربيين ولا عالميين فيه لاعبين عرب ممتازين في الدوري التونسي والمغربي والجزائري يا اخي مافيه واحد انتقد البلوي بالعكس البلوي رجل محب للنادي وصرف دم قلبه على النادي وانقذ النادي بعد الله بتسديد الديون كتر الله خيره بس الجمهور الإتحادي مقهور على الفلوس إلي يخسرها البلوي بدون فايده وإذا قلت الكلام هادا قالوا إنتا دافع شي من جيبك إش دخّلك يا اخي في شي اسمو غيره على ضياع الفلوس واحسها بالفعل من جيبي وبعدين يا اخي إلين متى نصبر على تخبطات السباكين المدرب كم لو دحين ماسك الفريق طيب شوفوا مدرب الهلال في وقت قصير إش سوى في الهلال بعد ماشالوا السبّاك الروماني إذا تتذكروا ديمتري اول مادرب الإتحاد بعد فتره قصيره جداً طلعت بصماته وانشأ بفضل الله تعالى فريق حقق بطولات وبلاعبين عرب بس لاعبين من جد بمواصفات لاعب حقيقي صدقوني لمن اشوف اطفال اتحاديين مساكين يبغوا يفرحو ببطوله والامستوى كمان كبار السن إلي نفسوا في بطوله قبل مايموت شي يقهر وبس الله يكتب إلي فيه الخير ويوفق الإتحاد ورجالات الإتحاد لمافيه الخير والصواب 
|
|
|
العرض الشجري