|
|
#1
09-07-2015, 01:48 PM
|
|||
|
|||
لازم تخلين زوجج متعلق بعياله ل**لحتج
لازم تخلين زوجج متعلق بعياله ل**لحتج
هلا بنات .. بغيت اكلمكم عن موضوع الاحظه وايد هالايام خاصه عند الزوجات الي رياييلهم يداومون في اماكن بعيده بس يرجع ويك اند ومايلحقون على شي فالام تصرف بكل شي اغراض الصغاريه تسجيل اليهال مواعيد المستشفى حتى مكاتب الخدم .. بس بعطيكم طرق تخليكم قريبين منهم حتى لو في مسافات او حتى قارات من بينكم .. مثلا ممكن عن طريق الوتس اب في الميكرفون تسجيلن صوتج مع الصغاريه تكلمونه عن اي شي وطرشينه حقه تسوين فيديوهات لاشيا خاصه عن اليهال وطرشينه تسويله منشن على بعض الاشيا في الانستقرام او ري تويت حقه لتغريده معينه او بيت شعر ممكن انج تترين يوم يي ريلج تعطينه قائمه بالاشيا الخاصه بالجمعيه .. يعني انتي طول الاسبوع دبري عمرج بالموجود ممكن تالجئين للدكان بس الجمعيه و الراشن وهالاشيا خله ريلج يروح يبهم خله يحس بان زوجته موب كل شي عليها حتى لو هي ربه منزل او هو دوامه بعيد مواعيد المستشفيات خليها بوقت اجازته او بيوم ييته طبعا ما بكون كل اسبوع مره في السنه خله يتعلق بعياله و بصحتهم ويهتم فهالشي خليه يوم يرجع البيت يفصل كنادير الاولاد لا تفصلينهم الكنادير حتى لو قصيره خله ريلج يتبرض ويروح .. مثال ولدي شعره قفه خخخخخ تقولين طالع من جانجل وعمره سنه وشوي المهم ما اروح احلقله يوم ابوه يرجع من التجنيد يوديه .. مع ان خوات ريلي حتى الحلاق يوديون الصغاريه .. غلط .. هالشي خلي ريلج يقوم مهام معينه وانتي تساعدينه موب مشكله بس موب كل البيت على راسج في حريم حتى الصيانه هي تتصل وتسوي بس عللى ريله الدفع ليش مريحتنه هالكثر هالراحه تبعده عنج .. مثال مرات تضاهري بالمرض وخبري عن محل معين يبيع غرض معين مثلا انتي نشني على نعال او قميص في محل معين حقج او حق عيالج و خله يسير يشتريه اوصفيله وهو عليه يشتري بيتوهق بس بيتعلم ان لازم يشارك حتى انه يتعلق بعياله او فيج يعني بيعرف ذوقج او مقاسات عياله فيوم بيطلع برا او بيسافر على طول بيتذكركم وبتذكر الشي الي انتو تحبونه .. كل ماخليتي ريلج يشارك معاج فالاطفال و وهي قريب منكم حتى لو بالتواصل الاجتماعي ترى بتكونين الطرف الاقوى وايد رياييل بحكم عملهم وبعدهم عن بيتهم تلاقيه ما يعرف سايز نعال ولده .. ولا يعرف نوع الحليب الي يشربه النونو غلط .. انتي يوم تخلينه يشاركهم بالعكس حبه الفطري لعياله بيزيد ومهما صارت مشاكل بينج وبينه انتي الطرف الاقوى بيخضع لان يحب عياله وايد فانتي الربحانه حتى اليهال بيكونون مستانسين حتى فسالفه الامور الحكوميه مثال تجديد الجواز ولا الهويه و لا اقامه الخادمه خله هو يقوم فيهم حتى لو انتهى الجواز ولا الاقامه خله الغرامه ياكلها عشان يحس ان في التزامات عليه لايزم ياديها موب ال**روف وطلعه ع السريع في اهم من ها كله الي هو المشاركه مع الزوجه كل شي في الحياه .. حتى لو تاخر خله بالاخير بيوديج بس لا تعلمينه ابدا ان امج و لا اخوانج و سواق عمتج بيسوي هالشي لان الريال ما يصدق ينشال عنه المسؤوليه .. بقولكم قصه صارت : ريال خليجي عنده زوجه في ديرته وعند زوجه فالاماارت .. الي في ديرته ما يروحله الا مره في السنه شهرين او اقل بس **روفها ماشي وعيالها مرتاحين وساد **اريفهم بس موب كونكت وياهم لان الام همها ال**روف ومدبرا عمرها بس الثانيه من ***يه عربيه والله ان ما يروم يفارقها ليش لان يابتله عيال ماشالله ومخلتنه يراكض ورا مطالبها وهو ريال موب قاصر ماشالله يعني يوفرلها ورزود بس ما يروم بيتعد عن عياله فطول السنه عندها الحبيبه بس هيج خسرت ريلها بس همها والله موب ناقصني شي **روفي وزود .. ملاحظه وايد حريم خاصه لو ربت بيت وعندها سياره مسكينه طوووول وقت هي المسؤوله عن كل شي صح الريال يعطيها كرت البنك ولا حساب التوفير بس عاق كل شي عليها حتى سوالف الاقامه و الخدم .. انا دووم انصحها اقولها خلي هالشي يوم ريلج بي خله يسوي لا تعلمينه بس عطني ال**روف وانا بتصرف لا .. والله الريال حتى ويك اند هو بعيد .. هو في ميلس الرياييل من الصبح لين الليل وهي في ميلس الحريم من الصبح لين اليل ولا يتشاوفون وجدا عادي .. واليهال مكودين عندها لو راحوا حق ابوهم شوي عطول يردهم ويقفل الباب اونه يخيسون موب سالفه يخيسون سالفه مالهم بارض على عيالهم لان ماتعودوا انهم يتحملونهم هالامثله اجوفها اسوبعيا في بيت اهل ريلي الله يسعدهم يمكن مرتاحين بس انا اجوف الموقف مريب وغير عادي ويضايق واتمنى انكم تستفيدون 
|
|
|
العرض الشجري