اتعرفت على واحده من سنه في 4 كليه .. في البدايه كنت بشفق عليها لان ابوها متوفي.. قاعده بعيده عن امها وفي مدينه تانيه عشان الكليه والدراسه... سايبه شعرها و **احبه ولاد كتير وعادي بالنسبالها.. تطلع رحلات مع مسرح الجامعه و يرجعوا بليل وممكن يباتو وييجوا تاني يوم .. مالهاش اخوات ولاد ولا حد كبير يسال عليها.. طبيعي ان يبقى فيها سلبيات كتير بعد المجتمع المفكك اللي اتربت فيه.. بدات انصحها انها تتحجب و تصون نفسها وتبعد عن **احبة الولاد وان البنت ليها كيانها و مكانتها وسط الناس و ماينفعش تبقى عامله زي الولد.. وقفت جنبها كتير فى ازاماتها.. واي حاجه كانت بتتطلبها مني كنت بنفذ على طول سواء فلوس او مشوار لدرجة اني لما عرفت انها اتخنقت مع صاحبتها في الشقه اللي ماجراها.. رحت اجرت شقه تانيه ليها مع واحده صاحبتها على حسابي عشان تقدر تذاكر و تركز في امتحاناتها.. اول مانتيجتها ظهرت رحت قبلها عشان افرحها و اطمنها ..كانت تحكي مشاكلها وانا اسمع و احاول احل معاها.. كنت بفرحها دايما لما احس انها زعلانه بهديه بسيطه او حاجه هي بتحبها.. اتعلقت بيها و حسيت انها بنتي اللي مقدرش استغني عنها.. علي الرغم من التخبط اللي كانت عايشه فيه.. قولتلها اني بحبك وعايز اتجوزك .. ردت قالت اني خايفه من الجواز عشان اتعودت اكون لوحدي و ابقى عايشه حياه فيها حريه من غير قيود .. و من ساعتها و انا مش عارف اعمل ايه.. هل اتقدملها تاني؟ ولا اعاملها كانها اختي و خلاص.. مع اني والله والله والله عمري مافكرت فيها تفكير يغضب ربنا و كل تعاملي معاها ان انا لقيت واحده تايها مش لاقيه اللي يوجها و حاولت بقدر الامكان اعمل حاجه مفيده معاها.. حاولت انساها بس مش عارف.. و سالت نفسي كرامتي هاتسمحلي اني اتقدملها تاني بعد مارفضت اول مره؟؟ طب انساها و اعاملها كانها اختي؟؟
الرجاء الرد على المشكله من اليوم حتى غدا وسيغلق التوبيك بعدها ..
شكرا :)
08-07-2015, 03:12 AM
بريد منتدى بنات **ر ( المشكله الاولى )
العرض العادي
