|
|
#1
07-09-2015, 10:37 PM
|
|||
|
|||
من بعد ما اكتشف اهلي (2)
من بعد ما اكتشف اهلي (2)
السلام عليكم ورحمه الله وبركاته ... انا سويت موضوع يديد لانه مادري ليش مايستوي ارد في موضوعي ....... المهم ... في مواضيعي السابقة .. انا ماحطيت هالكلام عشان حد يتعاطف معاي ( لأني ما اتريا الشفقة من حد أبدا ) ولا أرضى بالشفقة من أي حد ولا جان فضفضت من زمان ... في حد كان معاي وحد كان ضدي ... وماهمني منو كان ضدي ... لأني يوم قلت اني انا رمست عن الماضي ....... من تزوجت للحين يمكن مرتين رمست ... وكانت جملتين على بعض ... مب اكثر ... وطبعا ماحبيت ردود بعض الناس ... وبعض الناس والنعم فيهم ... ( لكن مول ما أرضى انه حد يشفق ) أو الي قالت انه النكد يزعل الريـال ويخليه يدور راحته برع البيت ... من تزوجته وهو برا و كنت اتضايق منه لانه برا.... ويدري بهالشيء ..... بس تعودت وصار اريح لي ... مع اني من يومين قلت له يلا نطلع ... وطلعني عشان اخذ شيء للعيد ... الي تقول لي تعرفي على ربيعة او خبري ربيعتج او حد من اهلج ا واو او ... أنا لو ابا هالشيء ... جان سويت من زمان ماحب اكون ضعيفة او مكسورة او غير واثقة في نفسي جدام أي انسان سواءا اعرفه او لا يعني ماحب ابدا اصيح جدام أي حد ... قبل زواجي محد يشوفني اصيح ولا شيء دايما قوية داااااااااااااايما عشان أي شخص لا يفكر اني محتاجة حد ولا مسكينة ولا غيره... بالنسبة لأهلي ولربيعاتي (فلانة جدا سعيدة ومرتاحة و واثقة من نفسها )... انا فقط مكسورة من داخلي وفي اغلب اغلب الاحيان محد يعرف شو السالفة وليش متضايقة او ليش فرحانة ..جدام ربيعاتي داااااااااااايم اضحك واسولف وكل شيء ... وحتى جدام أهلي .... جدام ريلي دايم جي ... بس في بعض الاحيان اتعب من المقاومة .... عقب ارجع اقول نفسي لا يا فلانة خلج قوية عشان ريلج ولا غيره لا ياخذون نقطة الضعف و تكون ضدج ... انا مثلا دايما اقول ابوي مدلعني وابوي يحبني وابوي يعطيني وسوالي واخوي عطاني واخوي سوالي واختي .............................الخ يعني احسسه انه وراي اهل وظهر لانه اخواني كلهم ( بعد العرس ) كلموني وقالولي فلانه احنا وياج مهما ان صار ولا تخافين من شيء ... وابوي جدام الكل قال فلانه اذا بغت شيء محد يقصر فيها ابدا وعطوها الي تباه ...... بس ...... حسيت من كلامكم اني اخس انسانه ف الدنيا لاني فضفضت له و لكم ... كأني انا الغلطانة ... كأني انا الي لازم اسوي كل شيء فوق طاقتي .... أهم شيء هو يرتاح أو فلانه ماتقول عني كئيبة... لا أختي الحمدلله بين الناس انا اكثر انسانه فرفوشة ومعروف عني هالشيء... الحمدلله بديت اطبق فكرة اني ما ارمس عن أي حد سواءا في الخير او في الششر ... حتى لو أي شيء يخصني ... مول ما ارمس ... اذا هو بيرمس برايه عادي بسمع له ... المهم انا أي شي فيني لي ولنفسي ... الحمدلله ربي خلق وايد وسايل ... وربي احسن لي من مليون شخص ..لأنه مهما ان صار يتحرونه يتريا تعاطف أو يتريا مدح... لا والله انا انسانه الحمدلله واثقة من نفسي الطفولة يمكن 80 بالمية نسيتها صحيح الناس الي حوليني يذكروني ( لأنهم يقولون سامحينا ) بس نسيتها الشيء الوحيد الي يضايق بي من طفولتي اني احتاج امي... عشان افضفض لها ... وفي تفاصيل وايد من الماضي هو مايعرفها وانتوا تعرفونها لاني مستحيل اقول له انه جي جي جي صار ... انا فقط يوم ارمس ارمس عن امي لاني انفجعت يوم عرفت انها متوفية من زمان .... وايد ندمت اني كتبت .. وفضفضت .. بس يومها كنت جداااااا حزينة ... وكنت اتريا كلام يطيب الخاطر من احاديث ومن ايات ومن كلام جميل وليس تعاطف ... وفعلا في نقاط حلوة ذكرتوها من اليوم ورايح ان رمست عن اهلي برمس عنهم بالطيب ... وبا***نى... و اذا فكرت افضفض ... ربي موجود ... ولله الحمد ومانحتاج أحد ... عندي وايد ناس ممكن افضفض لهم بس (( احب اكون الانسانه ال****ة المدللة والعجيبة الفرفوشية بين الناس )) .... وافكر ادخل دورات الطاقة الايجابية لاني دخلت قبل واستفدت ... بحاول بقدر المستطاع اني اغير من نفسي ...واطلع من الطاقة السلبية الي حولي ... وان شاءالله بتغير ... ملاحظة : عندي ليسن بس لانه مايباني اسوق ( عشان خاطره مابسوق ) ولا قال لي عندج الخيار بس يفضل انج ماتسوقين ... ... 
|
|
|
العرض الشجري