|
|
|||||||
 |
|
|
أدوات الموضوع | انواع عرض الموضوع |
|
#1
12-14-2013, 02:28 AM
|
|||
|
|||
ليش زعلانين على كريري؟ الاتحادكيان وجمجوم يجب ان يُقال.سعود خرج من نادي كبير الى صغير
السلام عليكم
جمهور الاتحاد ليش التباكي على سعود كريري وكأنه الاتحاد بينتهي بعد خروج كريري ؟ خلاص الرجل راح ليش الكلام والضجة ؟! ولاتنسون عمره 33 سنة وقرب يدخل عمره 34 سنة يعني بيخدم الاتحاد موسم او موسم ونص بالكثير وبيعتزل !! أرجوكم فكروا ب**لحة الاتحااااد فقط لاغير واتركوا التباكي على بعض اللاعبين وبعض اعضاء الشرف. لم أرى جماهير ريال مدريد تبكي ومسوين ضجة وحزن بعد خروج قائدهم راؤول مع انه لاعب عالمي كبير .. لكن لان عمره تجاوز 32 سنة, نادي ريال مدريد قال له خلاص مانحتاجك لان **لحة الفريق أهم واكبر من اي لاعب. وبعد كذا راؤول راح لقطر او الامارات عشان الفلوس مع انه لاعب لاعب عالمي !! دايما اللاعبين العالميين الكبار في السن يأتون الى الخليج يجمعون كم مليون ولايقدمون اي شي ويذهبون. لذلك سعود كريري خرج من نادي عملاق وكبير مثل الاتحاد وسيذهب لنادي صغير مثل الهلال ... ,, وصدقوني الهلال أخذ اللاعب ليس بسبب مستواه ؟! وكلكم تعرفون وتعلمون سياسة الهلال انها ماتجيب لاعب عمره اكبر من 30سنة ! ولكن فقط لانه كابتن للمنتخب ويعمل جو مرح في معسكرات الهلال .. وممكن يكون سبب في فوزهم بكأس آسيا لكن اللاعب عمره 33 سنة وبيدخل 34 سنة !! واتمنى انكم ترجعوا لمباريات الاتحاد في الدور الاول من بطولة الدوري شوفو من اول مباراة الى مباراة الخليج الاخيرة في كاس ولي العهد .. شوفو اخطاء كريري ومستواه السيئ المنهار ؟! اتمنى تكونو منطقيين وتتحدثو بصراحة ولاتقولوا ياما فرحونا .. لم ارى جمهور برشلونة يقول ايتو ياما فرحنا !! او هنري ياما فرحنا !! ومافي ولا جمهور بالعالم يقول عن لاعب ياما فرحنا ليش؟؟ لان اللاعب يلعب بفلوس بأحتراف .. واذا كثرت اخطائه يطلع من النادي ..بعض جمهور الاتحاد فاهمين الوفاء غلط .. يعني بالعربي بعض جمهور الاتحاد يقول انا مستعد احارب الكيان واحارب جميع لاعبي الاتحاد الحاليين عشان اللاعب الي راح سعود كريري او محمد نور !!! ياسلام صراحة شي عجيب ! كل جماهير اندية العالم تعشق وتحب الكيان وتهتم لل**لحة العامة لفريقها ولا تجلس تبكي عشان لاعب ويقولو " ياما فرحونا " ! يعني لو الادارة فرطت في لاعب صغير يقدر يعطي 5 او 6 سنوات واكثر ... انا مستعدة احارب الادارة اليوم قبل بكرة .. لانه كذا النادي خسر .. لكن لاعب عمره 33 او 34 سنة خلاص ماراح يقدم شي في المستقبل .. أرجوكم افهموا وشوفو **لحة الكيان .. ونقول لسعود كريري الله يوفقك وماقصرت وشكرا .. والله لايوفق الهلال . ملاحظة ::: بعد شهر سندخل في شهر يناير .. ونشوف هل الادارة توقع مع شركات بمبالغ تفوق 100 مليون او 60 مليون اقل شي ؟؟! طبعا اذا لم توقع وطلع كله كلام في كلام وكذب .. اتمنى من جمهور الاتحاد أن يعمل مضاهرات من جميع احياء جدة ويذهبوا للنادي ويطردو عادل جمجوم وادارته لانه خلاص صبرنا بما فيه الكفاية واملنا بعد الله في الشركات التي سترعى النادي .. لذلك اذا لم يتم التوقيع مع شركات وبمبالغ كبيرة .. على جمهور الاتحاد ان يطرد جمجوم وادارته من النادي. لان **لحة الاتحاد فوق الجميع. وللمعلومية انا لست متناقضة .. مازلت اقول عادل جمجوم اداري ناجح في النادي وليس كرة القدم ومشكلته انه ماعنده فلوس .. ولكن لو توفرت لديه الفلوس .. سيكون الاتحاد مستواه افضل من كذا بكثير وينافس على المراكز الاولى. والله يوفق الاتحاد يارب ومايهمني مين يكون الرئيس او ليش اللاعب خرج وليش جابو هذا المدرب ؟ اهم شي عندي يرجع الاتحاد ويكون هو الاقوى والاول بالسعودية. ??????? ??????: ليش زعلانين على كريري؟ الاتحادكيان وجمجوم يجب ان يُقال.سعود خرج من نادي كبير الى صغير || ??????: ahlam1399 || ??????: اسم منتداك
|
|
|
|
العرض العادي
