|
|
#1
05-24-2015, 04:43 AM
|
|||
|
|||
خواتي ساعدوني ف مشكلتي
خواتي ساعدوني ف مشكلتي
السلام عليكم الساعه 2 الفجر وانا صاحية وما فيني رقاد والسبب زوجي الله يسامحه .... صار لي أسبوعين من ولدت وانا في بيت اهلي وهو مطنش ولا يسال. أخذني المستشفى كأنه بدون نفس وطول الطريق يتنازع يفول بسرعه وخلصونا وراي شغل وانا ساكته لحد ما انفجرت وقَعَدت ابكي في السيارة ونزلت عنه. امس اتصل فيني 3 مرات وانا كنت مشغوله مع البيبي خفت ولما رديت عليه قالي اخته تبى تسافر وتريد تتسلف طقم الشنط !!!!! بصراحة عصبت وصارت بينا مشاده في الكلام يعني ما يحس فيني انا في النفاس وتعبانه وهو ولا مهتم ومتصل عشان اخته؟؟ نهاية الموضوع احينه صار له يومين مقاطعني ولا يكلمني، أطرش له رسايل ولا يرد، بصراحة خايفه الموضوع يكبر وفي نفس الوقت اريد اسكت عنه واشوف هل لي قيمة عنده ولا لا. شو تشورون علي ؟ للعلم سالفه المقاطعة دوم يسويها وانا هذا الشي اكره ما عندي. ودايما أرد له واعتذر بس عشان انهي الموضوع. انتظر نصائحكم وربي يسهل أمور كل مبتلي أمين 
|
|
|
العرض الشجري