شو تقولون عن هذا الموقف مع ريلي البارح..
بنات عساكن بخير وعافيه ياااارب.دقايق من وقتكن.جزاكن الله خير..البارح اتصل ريلي العصر. يقول شو بتسويلي عشا شي سندويشات..اقوله انت بتصوم باجر..يقول هيه بصوم..سويلي عيش دال احسن قتله خلاص اوك...يوم دخل كان ٢ تلفون ماله في يده..خذ معاه الايفون للحجرة وترك الثاني اللي فيه الواتساب ..سرت الصالا تقولي بنتي ربي يحفظها..ماما تلفون بابا كان يصيح..زخيت التلفون وضغطت عليه شفت المتصل بإسم. الوجود..خذيت حقه التلفون اقوله حد اتصلك...ما عطيت اهميه للموضوع.المهم حطيتله حنه بلحيته..وعقب شويا. ما ادري شو ياني زخيت تلفونه فتحت الواتساب..احصل كم من مسج اربع ع الواتساب. المسج اللي فوق مش مفتوح مكتوب ممكن تتصل عندي سؤال...سكرت التلفون وكاني ما شفت شي...جهزتله الاكل جان اشوفه يلبس كندورته ويطلع برا..تم ع الواتساب..عقب رد..حطيتله الاكل..وتميت اسولف ويا ربيعتي في التلفون..عقب دخلت الحجرة. اقوله وين سرت..تكلم حرمتك..يقول اي حرمة وتم يتمسخر كنت اكلم حد عندي اشغال انا.مب فاض..شويا واقوله منو ع تلفونك باسم الوجود..يقول ناس..اوك مشيتها ما بغيت اكلمه..لكن مخي ما وقف من التفكير..قلت معقوله هذا اللي حاط عمره يخاف على عرض وشرف بنات الناس..معقولة هذا اللي يصوم الاتنين والخميس معقولة. هذا اللي يتذكر. هادم اللذات في كل لحظة..معقولة هذا اللي ما يطوف يوم ويقولي اقري وردج..معقولة هذا اللي يحب كل صلواته في المسيد..بنات صدقوني انا. والله ما يهمني يخون ما يخون على كيفه حبل الدنيا قصير. وما بدخل معاه في قبره..كل شاة تعلق من رقبتها..اللي كسر خاطري وقلبي وهلكت من التفكير..اني حاطتنه بالمرتبه الاولى عن نفسي وعيالي ..احاول اسعده بكامل الطرق..وكل شي يطلبه مني اسويله ..حتى واذا انا تعبانه ..انظف ريوله مرات يحب يوميا..اسويله حمام مغربي..احاول ادورله الاكل الزين..العصاير فرش..مرات فراشه مرتب معطر ع الاخر..وهو والله مايساعدني في عيالي. انا اذاكر لهم .انا اوديهم المستشفى.ضغطهم عليا انا بس..يوم اكلمه يقولي انت ام ..ربة بيت..نزين اقوله انا صح ام بس مب جنغر..حتى عيالي يرقدون في الصالا ومخليين الحجرة حقه..بنتي مسكينه تقولي ماما متى تاخذين خقي شبرية يوم تشوف غرف البنات في مكان...تتوقعون اسم الوجود يحطه حق ربيعه..وربيعه يطرشله مسج يقوله ممكن تتصل عندي سؤال...اشوفه وايد. يبغي يتعدل.كل يوم نعال يديد..يوميا يقولي اباج تهتمين فيني عشان احس اني معرس..يوميا الود وده انظفه..بس مب لهذي الدرجة انا اتعب معاه ومع العيال واخر شي يطلع. عكس الريال اللي كان في مخي ..اشوفه وايد يحب الاشياء اللي تخليه شباب..كل مرة يحب يغير سيارة ..وانا وعيالي طايحين في حجرة وصالا..تصدقون اخر مرة مطرش حق ربيعه صورة الاكل اللي اسويله ويقوله يبالك حرمة..يبالك عيناوية..ربيعه يرد عليه ويقوله لا تعذبني..يحرض ربيعه عشان يعرس..حتى ربيعه قام يدور رقم خطابه.اونه حرمته ما تطبخله ولا تهتم فيه...شو رايكم في هذا الموضوع...الله يخليكن بنات..من دون تجريح..تتوقعون هذا اسم الوجود حرمة او ريال..عشان اعرف ساسي من راسي..لو طلعت حرمة ما بيشوف مني ذرة اهتمام..بحط نفسي وعيالي اولى عنه وهو رقم ثلاثه...اقول شو. هالمسج اتصل عندي سؤال حاط عمره مفتي حق الحريم..آآآخ هالرياييل مثل صناديق مقفله...ما فيهم امان...ما عرفتله مرة يكون مع ربيع مطوع..سوالف عن الاخرة والموت ..مرة ربيع معاه في الدوام..رمسة حريم..وسيايير. ولبس ونعول. وكشخة ......تفاعلكن بناااااااات
05-21-2015, 08:15 AM
شو تقولون عن هذا الموقف مع ريلي البارح..
العرض الشجري