|
|
#1
11-24-2013, 03:03 AM
|
|||
|
|||
المختصر المفيد وال**دة في رحلتي ل سيرلانكا
بسم الله الرحمن الرحيم اخوتي الكرام أعضاء المنتدى اكتب إليكم هذا التقرير وأعتذر أنه كان متأخر جدا على كل حال الرحلة كانت ثالث يوم في عيد رمضان عام 1434هـ واستمرت حوالي مدة 11 يوم وسأحاول في التقرير هذا أن اذكر مالم يذكر في التقارير السابقة وأن يكون مليء بالفوائد والفرائد بإذن الله ومن أجل ذلك سأذكر مقتطفات مفيدة ولن استرسل في ذكر التفاصيل كانت الرحلة على الخطوط القطرية والحقيقة أنها جيدة ولكن لو كانت على الإماراتية كنت أتوقع أن تكون أفضل وسبق لي الترتيب مع شخص يقال له هيما وكان غير جيد وأنا أحذر من التعامل معه فهو لايعمل بإحترافية وضايقنا كثير في الرحلة سوء تخطيطه والتخبيط وأول ماوصلنا المطار اشتريت شريحة لي ولأخي وكانت شاملة اتصالات ورسائل وخدمة بلاك بيري وانترنت من شركة ديالوج المهم التقينا في هيما ووقعت معه العقد وانا لما كنت في السعودية ارسلت له 10 % من القيمة ولما وصلنا هناك دفعت له 70% واشترطت عليه انه ادفع له 20% اخر يوم في الرحلة وكان فعلي جيد حيث اني خصمت عليه في اخر الرحلة لأنه ماكان جيد معنا المهم اول ماوصلت طلع لي عقد غير اللي اتفقنا عليه وقام بدل في الفنادق وفي خط سير الرحلة بحجة انه ماحصل حجز وانا غضبت قلت له ليش انا كلمتك من حوالي شهرين يمديك ترتب كل شي قال هذا اللي صار وقلت مو مشكلة لاني اتفقت معه اني اول ما اوصل اروح لكاندي وبعدين الكادو بعدين نور اليا وبعدين بنتوتة وبعدين كولومبو لكن تفاجأت انه خلها كاندي بعدين نوراليا بعدين الكادو بعدين بنتوتة ثم كولمبو والحمد لله الخيرة فيما اختاره الله المهم جاب لنا باص ممتاز وسائق وكان فيه مرشد يتكلم عربي على خفيف قد اشتغل في السعودية اسمه مانيلا ووبصراحة مانيلا رجل جيد جدا واعجبني تعامله لكن المشكلة كلها في هيما ومن ضمن الاشياء اللي اكدت عليها فوق عشرين مرة من يوم كنت في السعودية وسجلتها في العقد قلت له انه احنا رح نصل سيرلانكا الفجر الساعة 3 وعلى مانخلص الاجراءت وترتيب امورنا بنطلع من المطار الساعة 5 ورح نوصل كاندي الساعة 8 وقلت له اكثر من مرة نبي نسوي دخول لغرف الفندق مبكر ونبهت عليه وسجلتها في العقد وقالي خلاص مو مشكلة ويوم وصلنا كاندي قالوا لنا الشيك إن عندكم الساعة 2 الظهر وممكن نتساعد معكم وندخلكم 12 بس مانضمن لكم وارجع ادق عليه جوال ويقول طيب طيب وبعدين دق قال مافيه مجال قلت حسبي الله عليكم وجلسنا في اللوبي انا واخوي واثنين خواتي والوالدة والمدام وتعبنا من الانتظار وحتى هو ماكلف نفسه يخلينا ندخل بوفيه الافطار على حسابه قمت قلت يالله خلنا نفطر عشان نضيع وقت وافطرنا وجلسنا على البحيرة الكلام ذا في فندق مهاويلي ريتش والحقيقة فندق حلو مرررررره وجميل وأكله طيب والجلسة على النهر المهاويلي ترد الروح أنصح في هذا الفندق المهم قضينا 3 ايام في كاندي في عدة تمشيات وفعاليات وملاحظاتي كالتالي 1- حديقة التوابل لاتشتري منها تفرج وامش 2- حديقة كاندي للنباتات لازم تشتري مويه وعصائر قبل تدخلها 3- **نع المجوهرات اميث انتبه تشتري منه غالي جدا جدا جدا ورح ادلك على محل افضل منه وارخص بكثير في كولمبو 4- يوجد محل باسكن روبنز في مجمع فلاشا أسأل سائقك عنه وهنا حدثت مشكلة كبيرة لما وصلنا فندق المهاويلي ريتش قام السائق حق الباص اختلف مع هيما وبعدين ارسل لنا باص صغير وضيق شوي ووعدنا بتغيره بعد فترة وتهاوشت معه وقلت الوعد نهاية الرحلة المهم بعد 3 ايام انطلقنا الى نوراليا والجو بارد ورائع جدا وسكنا في شاليهات جونوفريز والحقيقة موقعها ممتاز جدا لكن خدماتها نص ونص ومطعمهم أي كلام يمشي الحال الميزة فقط الموقع على البحيرة خرافي لكن اللي يدور النظافة جدا والاتيكت ينسى يعني يمشي الحال مش سيء كويس متوسط بس الاهل انبسطوا فيه جدا جدا بالذات الوالدة دايم تطريه ومبسوطة منه المهم خذنا يومين فيه وركبنا القارب اللي في البحيرة كاسرناه وعطانا بسعر 1500 روبية لفة لمدة نص ساعة ارجوكم كاسروا كاسروا كاسروا لاتدفعون على طول وجينا بنروح المطعم الهندي الملاصق لفندق جراند بس زحمة جدا وداومه يفتح من 12 لين 3 ومن 6.30 الين 9 المهم يالله حصلنا طاولة لكن اكله لذيذ للغاية وخصوصا تيكا مسالا وبتر تشيكن ويوجد في نوراليا حديقة نباتية كويسة بس إذا رحت اللي في كاندي مايحتاج تجيها ذهبنا إلى مزرعة الفروالة تجربة رائعة جدا للعوائل بالذات ولكن طعم الفروالة عادي مزرعة الابقار جميلة جدا ولديهم **ادي لذيذ للغاية انصح بشراءه وفي الطريق الى المزرعة يوجد بحيرة رائعة يمكنك الجلوس فيها لكن احذر انه يجي ثور عليك والا شي لانه جاء علينا ثور بغينا نطب في البحيرة وربك ستر من الاشياء التي انصح بأخذها معك من السعودية الع**ة ضروري حتى لو هيتر صغير وشوية علب فول وتونة لانك رح تمل من اكل الفنادق وهناك السوبرماركت فيه كل شي جبن مثلثات وبيض ودجاج اسلامي ورز بيشاوري وكل شي عندهم المهم خذنا يومين في الشاليهات واليوم الثالث رحنا فندق جراند ولكن ماحصلوا لنا غرفتين قاموا عطونا جناح ملكي والحقيقة خرافي جدا ويجنن والمطعم حق الفندق رائع ولذيذ جدا لكن عيبه ان النت تحت في اللوبي بس ولايوجد في الغرف المهم بعدها ذهبنا الى هوناس فولس في منطقة الكادوا فندق رايق وحلو ومطعمه ممتاز وخذنا يومين واعتقد لو رحنا يوم زيارة كان تكفي بس برضه يومين فيه حق روقان كويس وثم مشينا من الكادوا على بنتوته وصارت لنا مشكلة في الكفر ونزلنا في فندق معفن جلسنا شوي في اللوبي وراح يصلح ونقعنا فوق 4 ساعات وكلمت هيما وهددته بشرطة السياحة وقال طيب اصبر شوي المهم ماجانا السواق الا قد هي واصلة معي وحقدت على نفسي اني اتفقت مع هيما المعفن لكن الدنيا دروس المهم وصلنا بنتوته وبالتحديد فندق فيفنتا تاج وهذا افخم وافضل فندق سكنت فيه جنااااااااااااااااااااااا اااااان جدا جدا وفااااااااااااااااااخر للغاية ومطعمه حلو مرة لايفوتكم صح مافيه شطاف مويه بس انا كنت حاسب حسابي وشاري شطاف الرحلات من ساكو اركبه في المغسلة ويمشي حاله لكن عيب الفندق الانترنت غالي وبفلوس بس بصراحه فندق فخم جدا ويستاهل تحجز فيه بقووووووووووة ولو ماحصلك روح فندق جنبه اسمه افاني برضه فخم وحلو مررررررررررره والنت مجاني اهم شي في فندق فيفنتا تاج اهم شي هو المساج عندهم منتجع للمساج والصنفرة ووالخدمة الملكية خرافي جدا تخيل بما يعادل 350 ريال مساج وصنفرة جسم وتنظيف بشرة وخدمة فوق الرائعة من تحت ايدي متخصصات في الطب البد لكن يحتاج حجز مسبق لانه زحمة لكن وربي يستاهل كل ريال تحط فيه ومش غالي ابد وحتى لو سكنت في أي فندق المهم المساج لايكون الا في فندق فيفنتا تاج طبعا طلعنا في بنتوته ورحنا مطعم امل للاسماك سيئ جدا جدا جدا وغالي جدا جدا ولا انصح فيه ابد جلسنا في فندق فيفنتا يومين ثم انتقلنا الى فندق سينمون بيورلا وهذا لا انصح فيه ابد ابد صح انه جديد لكن سيء الشي الوحيد الجيد عندهم مطعم الفندق لكن كمستوى غرف مرة مو جيد واخر يوم ذهبنا الى فندق هيلتون في كولمبو فندق قديم جدا وسيء للغاية ولايسوى ابد ولايوجد فيه شطاف وحتى اللي عندي الشطاف الموقت ماقدرت اركبه فيه والنت غالي جدا والمسبح سيء يعني مايسوى معفن الفندق المهم في كولمبو ذهبنا محل مجهورات للاحجار الكريمة رائع ورخيص وهو شبه حكومي وافضل من كاندي مليون مرة تخيل شرينا حجر من كاندي الجرام 21 دولار ويوم رحنا كولمبو حصلناه ب3 دولار يعني لاتشتري الا من كولمبو اسمه lanka gem and jewellery exchange بالنسبة لسوق هاوس اوف فيشن مروح وخايس كانه سوق الهرم اللي عندنا بضايع معفنة ولاتسوى ورحنا مطعم اسمه الجزيرة يمني للمندي واكله نص ونص لا انصح فيه وحاولوا يضحكون علينا حيث نزلوا السائق وقالوا له انزل في اكل مجاني ونزل السائق مع المرشد وعطوهم وجبات شوي يوم جابوا فاتورتي الا مبلغ كثير قلت وش ذا قالوا السائق والمرافق قلت وش دخلكم انا قايلكم تعطونهم اكل قالوا هم نزلوا ولما سالت السائق قالي لا هم قالوا لي تعال كل ببلاش المهم تهاوشت معهم ومادفعت غير حسابي بس عشان كذا الواحد يصير حذر يفكرونك سائح انك الوليد بن طلال الحاصل اخر يوم جاء هيما يبي باقي ا***اب قلت له انت سويت معنا كذا وكذا مشاكل واعدد له كل التقصير اللي صار معنا قلت اقولك وربي ماتشم باقي الفلوس قال تكفى تكفى قلت انسى وخصمت عليه حوالي 1500 دولار وهو يترجاني قلت دق على الشرطة خلها تجي ونتفاهم كلنا على الاخطاء اللي سويتها قال ماله داعي قلت نشوفك على خير يالله باي واسحب عليه ورحت عطيت المرشد شويه مبلغ محترم لانه ماقصر معنا وكان وفي وامين على كل حال تقريري ملخبط ومختصر بس حاولت اجيب لكم ال**دة وما اجيب شيء مكرر واي استفسار انا حاضر ومن عيوني للجميع ??????? ??????: المختصر المفيد وال**دة في رحلتي ل سيرلانكا || ??????: ahlam1399 || ??????: اسم منتداك
|
 |
|
|
العرض العادي
