|
|
#1
09-16-2013, 10:50 PM
|
|||
|
|||
النصب و السرقة بطرق غريبة
السلام عليكم, اخواتي, كاين فينا لي تعرضو للنصب و السرقة بطرق كاع ماكاطيح على البال. شاركونا بكل ماكتعرفو, بش نتعلمو و نبقاو نردو بالنا مزيان. انا بزاف ديال المرات ثقت بقصص بعض المتسولين, ها لي قاتلك شارفة ومرات ولدها حاكراها, و ها لي قاتلك فيها سرطان و غادي يقطعولا رجلا, وها لي خصو يشري كفن, وزيد او زيد. دابا لي بغى يصدق خصو يقلب على فقراء و مساكين و مرضى لي بصح محتاجين و ماكيرضاوشي يسعاو. ماشي هادوك لي وجهوم قزديرة و كيتساراو فزناقي و يكذبو على الناس. واحد صاحبتي كانت كتقلب على خدمة و كتشوف les offres d'emploi على الانترنيت و كتصيفط cv ديالا. واحد المرة وصلاتا رسالة فالبريد الالكتروني فيها رقم و كيطلبو انها تصل بيهوم بش تدوز مقابلة عمل. ايوا عيطات, السيد لي جاوب بقى كيسقسيها على القراية و الديبلوم و قالا صافي بغيناك تبدى تخدم معانا و لكن خصك تدوز واحد formation عندنا بش تبدى الخدمة, هي قاتلو اوك, قالا ولكن قبل ماتعمل هاد formation خصك تسيفطلنا واحد المبلغ نسيت شحال بالضبط كنظن كانت 3000 درهم. قالا حيتاش بزاف كيدوزو formation , وكيمشيو ماكايبغيوشي يخدمو و الشركة كتخسر الفلوس حيت كتخلص ديك les formateurs. وقالا غير تبدا تخدم ديك الفلوس غادي نردوهوملك, غير ضمانة او صافي. هي صافي وافقات, و عطاها فاين تسيفطلو الفلوس, و ملي جا الراجل ديالا عوداتلو قالا را هادوك نصابة, و هادشي من الاول باين نصب حيت الشركة ملي ك***ي تدوز l'entretien d'embauche, هي لي كتصل بيك ماشي نتينا تصل بيها, و ثانيا القضية ديال الفلوس. و فعلا رجعات قلبات فديك السيت نيت جبرات بزاف كيتشكاو نصبو عليهم. وواحد صاحبو ديال بابا قالك تاصلو بيه واحد المرة قالولو را واحد السيد من عائلتك عمل حادثة, ودابا حنايا جبرنا النمرة ديالك فالبورطابل ديالو و خاصنا الفلوس بش نخلصو l'ambulance, و المستشفى الخاص . ايوا ناس تاقو بهادشي. فالاخير كتاشفو ان ديكشي غير كذوب. وسمعت بزاف ديال المرات ناس كيقولو كيجي شي واحد كيسعى, كيعطيواه الفلوس و كيردلوم ديك الفلوس. من بعد كيكتاشفو انهم مشاولوم الفلوس لي كانو عندوم كاملين فالبصطام و صاك و ذهب واي حاجة ثمينة, وكيفاش? مانعرف... واقيلا كيعملولوم l'hyp**se. والله مانعرف. ايوا شاركونا اخواتي بلي كتعرفو, اذا تفكرت شي حاجة نرجع نعاودالكوم. الله يحفظنا يا ربي. 
|
 |
|
|
العرض العادي
