|
|
#1
01-12-2015, 12:19 PM
|
|||
|
|||
تجربتي فعلاج بنتي من الطفح والاسهال
السلام عليكم ورحمة الله وبركاته تجربتي في علاج بنتي من الطفح والتسلخ بالحفاظ فالبداية بنتي عمرها سنة الحمدلله خلال الفترة اللي مضت ما انصابت بطفح الا خفيف وعلاجه سريع وهاي اول مرة يصير معي هالشكل حتى مع بكري الاول ولد ماصارت المهم .. بنتي ياها اسهال والنتيجه التهبت منطقة الحفاظ مع اني ابدلها ع طول بس يمكن اكون غفيت دقيقة عنها وهالسبب اللي لهبه بسرعه .. اول شي استخدمت لها كريم ميدو اللي علبته بيضه عادة هاذا يسرع الشفاء ومفعوله اسرع من سودو.. لكن مع بنتي ما نفع صرت استخدمه لها بعد ما اغسلها بماي فقط وانشفها عدل واحط لها كريم ميدو مع نشا احس نفع شوي استمريت ع هالشي ليومين بعدين حسيته مب راضي يصح وطلعت نفس التسلخات الخفيفه وقلت لازم اعالج الاسهال عسب يخفف الطفح عندها وما خليت شي ما عطيتها تفاح.. سفن اب بدون غازات..شوفان ما عيبها واللي ظليت مستمرة عليه الروب وخذيت لها خليب نان 110مال الاسهال خال من اللاكتوز.. هيه نسيت اقولكم خلال فترة العلاج كانت كل ما تسويها بالبامبرز تبكي وتصرخ وتشد ريلاتها حتى لو كان بس بول.. فكنت اغسلها بماي دافي واحاول انظفها بدون ما اضغط ع المكان وىطبعا ياها فوبيا من الماي هالفترة وبعد كنت اقعدها بحوض ماي دافي فيه بيكربونات الصوديوم وحسيته حلو بعد والمهم وبعد يومين خف الاسهال وصار مرتين بس باليوم الحمدلله بس مارجع شرات الطبيعي.. وخلصت العلبة الاولى من الحليب وخذت ثانيه وعقب يومين بطلت استخدم ميدو مع النشا وصرت استخدم لها ميبو ومخليتنها بدون بامبرز بس باندروير قطني خفيف وحسيت بفرق كبير الحمدلله حاولت اخليها بدون بامبرز قد ما اقدر وخف الاحمرار وظل تسلخ خفيف ع شكل حبه وبعض الاحمرار وقريت البنات يمدحون بانديرم كريم يعالج الطفح القوي هو عاة يستخدم للي عندهم حساسيه وحكة بس مب زين نستخدمه وايد فقلت بستخدمه لها بوقت النوم فقط والحمدلله اليوم خامس يوم وبديت ارتاح من هالمعاناه وغيرت لها البامبرز العادي للبامبرز الابيض وان شاءالله خير والحمدلله وان شاءالله يختفي الاحمرار كليا بس مشكلتي كانت مجتمعة الاسهال مع الطفح وهذا اللي اخر العلاج والحمدلله ع كل حال حبيت اعطيكم تجربتي لاني عانيت وماخليت شي ماقريت عنه وجربته والحمدلله انقلها لكم لعلكم تستفيدون و الله يبعد عن اطفالكم كل شر ان شاءالله تجربتي طويله بس لعيونكم ولتستفيدوا منها.. 
|
 |
|
|
العرض العادي
