|
|
#1
03-04-2013, 12:55 PM
|
|||
|
|||
مشورتكم في رحلتنا الى النمسا 2013
السلام عليكم ورحمة الله وبركاته أولا احب اشكر اعضاء هالمنتدى الرائع لاني استفدت من تجاربكم بصراحه عندي استفسارات كثيره اتمنى اني القى اجابات عندكم بحكي لكم قصتي من البداية من زمان انا وزوجي نفكر نسافر أوروبا .. وماتيسرت الا هالسنه .. وقررنا تكون وجهتنا فرنسا .. طبعا زوجي قدم على عملة وحدد فرنسا .. ماكنا متأكدين انها رح تتم الموافقه عشان كذا ماتعبنا أنفسنا بالبحث كل هذي الفتره وقبل اسبوع تمت الموافقه ع الاجازه الحمدلله ومدتها 12 يوم تقريبا.. بعد البحث والتدقيق .. عرفنا ان فرنسا تمنع الحجاب وحذرنا قريب لنا هناك من هالشي عشان كذا عفنى فرنسا ... وحولنا الوجهه الى النمسا وألمانيا .. بسبب مدحكم لها وتقاريركم عنها المشكله زوجي قدم ع التأشيره الفرنسيه .. السؤال : هل ينفع نروح للنمسا بتأشيره فرنسية ؟ والا لازم نمساويه ؟ وهل ينفع نرجع عن طريق مينوخ الى السعوديه ؟ سمعت ان ألمانيا عشان تنزل فيها لازم تأشيره ألمانيه .. أما تغادر منها فمسموح بأي تأشيرة شنغن .. هل هذا الكلام صحيح طبعا اخترنا تكون وجهتنا .. السعوديه ... فيينا .. مطار الدمام بتكون محطة الاقلاع اكيد لان حنا من سكان الجبيل تاريخ الرحله 13 ابريل تقريبا .. لان شهر ابريل هو الشهر المناسب لنا السؤال : كيف الجو بيكون في شهر ابريل هناك ؟ هل برد ؟ وهل المعالم السياحيه كلها مفتوحه ؟ وياليت تفيدونا وشو المغلق منها ؟ وهل الاسعار تختلف في ابريل عنها في مايو ؟ او في الصيف ؟ وتتوقعون وشو افضل وقت للسفر هناك ؟ من حيث الاجواء والاسعار وكل شي ؟ لان اذا فيه امكانيه نأخرها شوي وكيف بتكون اسعار التذاكر الطيران ؟ طبعا بيكون مخطط الرحله 3 ايام سال**ورغ 4 ايام زيلامسي 3 ايام قارمش الالمانيه 2 يوم ميونخ لان رغبتنا تكمن في الارياف والطبيعه سؤال : الميزانيه حوالي 30 ألف .. هل تكفي لكل ال**اريف للسفره ؟ وكم نآخذ معنا كاش ؟ وهل تكفي كردت كارد وحده ؟ والا لازم 2 ؟ وهل لازم كل مكان سياحي لازم ادفع مبلغ معين ؟ والا فيه بطاقه لكل الاماكن السياحيه ؟ ومن وين احصلها ؟ وبالنسبة للتنقل في هالمناطق وش تنصحونا به ؟ هل نستاجر سيارة ؟ ومن وين نستاجرها ؟ هل من فيينا ؟ والامن القرية الالمانيه اللي قريبه من سالس**ورغ ؟ لاني قريت انها ارخص في الايجارات ؟ وكم تتقعون معدل السعر للايجار السياره لمدة 12 يوم ؟ ولو اخذنا السياره من فيينا هل نقدر نسلمها في ميونخ ؟ أو أخذنا السيارة من القرية الألمانيه القريبة من سال**ورغ هل نقدر نسلمها في ميونخ ؟والا لازم نرجعها لنفس المكان وبالنسبة للايجار .. هل افضل من النت من هنا ... أو اذا رحنا هناك نستاجرها ؟ وهل يفرق بالسعر ؟ وهل في كل سيارة جارمن ؟ والا نجيب معنا من هنا ؟ ولما نتنقل في الاماكن السياحيه هل فيه رسوم ع الباركينج ؟ بالنسبة للسكن فيه استفسارات كثيره بما ان حنا بنكون في 3 ايام سال**ورغ 4 ايام زيلامسي هل نسكن في وحده منها ونزور الاماكن السياحيه بالسيارة ؟ والا تعب علينا نطلع كل يوم بالسياره ؟ والا افضل نفصلها عن بعض .. بحيث نسكن بكل وحده مدة معينه ؟ وبالنسبة للسكن وش الافضل السكن فيه ؟ هل وسط المدينه ؟ والا قرى قريبة منها عشان الارياف ؟ علما بأن حنا مانبغى مكان مخيف وموحش لانه أول سفره وماتعودنا ؟ وفي نفس الوقت نبي مكان يطل ع منظر حلو ؟ ولازم يكون فيه بلكونه  نفسي فيها من زمان ؟بالنسبة للأكل ؟ ابي نصايح فيه طبعا مارح يكون طول الوقت مطاعم .. لكن ممكن نخصص وجبة العشا تكون بمطعم ..؟ كيف اسعار المطاعم هناك ؟ طبعا لما نخلص من النمسا رح نتوجة لقارمش .. ابي اخذ رايكم في شغله .. هل نسكن في قارمش كل المده المتبقيه اللي هي 5 ايام ؟ ونطلع لميونخ نتسوق ونرجع ؟ ونطلع للمطار من قارمش ؟ والا نقسمها بعد بحيث ان قارمش 3 ايام ؟ ويومين للتسوق في ميونخ ؟ وبالنسبة للتسوق في ميونخ .. ابي مجمع أو كم محل يكون فيه اشياء غريبة ومميزه سواء ملابس او تحف او اكسسوارات مابي ماركات عالميه ولا اشياء ممكن احصلها بالسعوديه .. ابي هدايا تكون مميزه وبنفس الوقت اسعار معقوله او رخيصه .. أسألتي متأخره وتمنيت ان حنا حجزنا قبل لكن ماتأكدنا ان حنا بنسافر وانها بتتسهل ياليت تردون على استفساراتي بأقرب وقت تكفون لان حنا متورطين ومتأخرين وأول سفرة لنا مالنا الا الله ثم انتم  انتظركم بفارغ الصبر ونكون لكم من الشاكرين 
|
 |
|
|
العرض العادي
