[من مطبخي] الفراخ المشوية على طريقة الشيف يسري بالصور من مطبخي مع الأرز الرائع

[ahlam1399]

[من مطبخي] الفراخ المشوية على طريقة الشيف يسري بالصور من مطبخي مع الأرز الرائع

[من مطبخي] الفراخ المشوية على طريقة الشيف يسري بالصور من مطبخي مع الأرز الرائع

الفراخ المشوية على طريقة الشيف يسري بالصور من مطبخي مع الأرز الرائع

جبتلكن النهاردة فراخ مشوية على طريقة الشيف يسري

وقررت أني أعملها



فرخة كاملة
1/2 كوب **دة
2 ملعقة كبيرة زعتر
2 ملعقة كبيرة عصير ليمون (( ليمونة كاملة كبيرة ))
بشر ليمونة
كسبرة ناشفة
بهارات
ملح
فلفل أسود





نجيب الفرخة ونغسلها كويس أوي
وأنا هنا جبت فرخة بلدي لأني بحب الفراخ البلدي جداً
بس براحتك لو بتحبي الفراخ البيضا مفيش مشكلة
بس الفرخة تكون صغيرة مش كبيرة
علشان مايكونش فيها دهون وكمان تستوي بسرعة
ونفصل الجلد عن اللحم







بعد كده نعجن الحشوة مع بعضها
وعلى فكرة بالنسبة للناس اللي بتعمل ريجيم مايخافوش خالص من ال**دة اللي هتحشوا بيها الفراخ
هي هتدي لون ذهبي بس للجلد من بره
وهتسيح وهتنزل كلها مع الصوص
وممكن تكبيها بعد ما الفرخة تستوي
غير كده إحنا بنشيل جلد الفراخ عند الأكل



بعد كده نجيب صينية نخرط فيها بصلة كبيرة
وتكون متبلة بالملح والفلفل
وممكن نحط عليها أعواد زعتر



بعد كده نتبل الفراخ ونحشيها بالحشوة من جوا
ما بين الجلد واللحم
ونكتفها كويس جداً
نلف الجناح من ورا عكسي
والوراك ممكن ندخلها في الفرخة نفسها أو نلفها بخيط دوبارة
ونحطها فوق البصل في النصف



ندخلها فرن يكون متسخن قبل كده ونسيبها لمدة 10 دقائق على نار عالية
ونخرجها تاني نلفها بورق سيلفر







بعد كده ندخلها الفرن على نار متوسطة
نسيبها لمدة نصف ساعة
وبعدين نهدي عليها النار ونسيبها تستوي براحتها على الهادي

بعد كده نعمل الأرز
وأنا الحمد لله بعمل رز بالخلطة حلو أوي
نقول بقى الطريقة

أنا أخدت الكبدة والقناصة والقلب بتاع الفرخة
قطعتهم قطع صغيرة أوي
وقطعت بصلة متوسطة
شوحتهم في ال**دة وشوية زيت ذرة صغيرين
(( لازم تحطي زيت علشان الرز مايلزقش منك ))
وحطيت معاهم
**يب
لوز مقطع (( ممكن سوداني مقشر بيكون أحلى وأطعم ))
معلقة كبيرة نعناع ناشف
معلقة كبيرة كركم
معلقة كبيرة قرفة
ملح وفلفل
بقلبهم كويس وأحمرهم في ال**دة



بعد كده بنضيف الرز للخلطة دي وبنكون ناقعينه شوية في الميه



بعد كده ضفت له الشوربة وسيبته يستوي بالطريقة العادية

بعد كده الفراخ استوت وطلعتها من الفرن وده كان شكلها



وبعد ما الرز استوى
حطيت الرز على طبق سيرفيس كبير
وصوص الفراخ من حواليه
وحطيت الفرخة في النصف
وده كان شكلها النهائي



وعلى فكرة أنا نسيت أدهنها **دة من فوق
لو كنت دهنتها كان هيبقى لونها ذهبي أكتر من كده
معلش بقى دي أول مرة أعمل فيها فراخ مشوية بالشكل ده
بس حقيقي طلعت تحفة
ريحتها كانت حلوة جداً جداً وهي في الفرن
وطعمها كان يجنن
بشر الليمون مع الزعتر مديها طعم جنان

ال**در: منتدى عدلات النسائي

??????? ??????: [من مطبخي] الفراخ المشوية على طريقة الشيف يسري بالصور من مطبخي مع الأرز الرائع || ??????: ahlam1399 || ??????: اسم منتداك

https://hameed.nwar.uk/vb

كلمات البحث

العاب ، برامج ، سيارات ، هاكات ، استايلات