[من مطبخي] محشي كرنب للعدولات

[ahlam1399]

[من مطبخي] محشي كرنب للعدولات

[من مطبخي] محشي كرنب للعدولات

محشي كرنب للعدولات محشي كرنب محشي كرنب
محشي كرنب يا عيني عليه طريقة عمل محشي الكرنب عمل محشي الكرنب

صباحكم / مساكم فل يا عدولاتي
وحشتوني جداً امبارح بس جيت لكم ومعايا محشي كرنب يالا اتفضلوا بالهنا والشفا


كرنبة كبيرة مسلوقة ومتقطعة
5 بصلات كبار
كيلو ارز
خضرة محشي ( شبت - كسبرة خضرا - بقدونس )
توابل محشي انا بجيب خلطة المحشي من ماي واي
طماطم معصورة بدون ماء
صلصة طماطم
ملح / فلفل / كمون
ملعقة سمنة بلدى
شوية زيت ذرة

اولا بجيب الكرنبة واقطع الورقات بتاعتها واسلقها في ماء مغلي واحط فيه شوية ملح وكمون .
وبعد ما اسلقها بفرد قدامي الورق وابدأ اقطعه علي قد الصباع اللي انا عايزاه.
انا بعمل المحشي ني في ني لا بحمر بصلة ولا غيره كله علي بعض وعلي فكرة بيكون جميل وخفيف
[IMG][/IMG]
نحط البصل المفروم علي الخضرة المقطعة والطماطم والصلصة والتوابل والزيت ونقلب كويس وبعدين نضيف الارز المغسول ومتصفي ونخلطه كويس
وده منظر الخلطة

ونبدأ نحشي
وده المنظر

وكده بعد كمان صفين كله جنب بعض وبعد ما اخلص رص صف ابدأ اللي بعده

بعد ما اخلص الحشو نبدأ التسوية
انا بحط الحلة علي نار متوسطة بدون اي اضافات لا شوربة ولا غيره حوالي 5 دقائق وانا واقفة قدام المحشي بسيبه وامشي احسن يتحرق بتسمعي فيه صوت زى ميه بتغلي هو بينزل السوائل اللي فيه

ولما الاقي الصوت قل اضيف الشوربة المغلية وبتكون مغطياه كده

ولما يبدأ يتشرب الشوربة
انقله علي نار منخفضة واوطي عليه
لحد ما يستوى خالص
اسخن ملعقة السمن البلدى لحد ما يتقدح واصبه فوق المحشي
وهما دقيقتين ويتغرف كده


طيب انا حسوى الكرنبه كلها في يوم طبعاً لاء امال اعمل ايه انا بحطها كده في طبق فوم ارصها

واغلفها بكيس بلاستيك

وعلي الفريزر عدل ويوم ما اقرر اننا ناكل محشي اطلعها الصبح قبل ما اروح الشغل من الفريزر واول ما اجي ارصها في الحلة واسويها عادى وبيكون زى الفل وطازة
وبألف هنا وشفا

ال**در: منتدى عدلات النسائي

??????? ??????: [من مطبخي] محشي كرنب للعدولات || ??????: ahlam1399 || ??????: اسم منتداك

https://hameed.nwar.uk/vb

كلمات البحث

العاب ، برامج ، سيارات ، هاكات ، استايلات