[من مطبخي] طريقة التورلى بالصور التورلى من مطبخى بالخطوات بالصور صينية خضار مشكل

[ahlam1399]

[من مطبخي] طريقة التورلى بالصور التورلى من مطبخى بالخطوات بالصور صينية خضار مشكل

[من مطبخي] طريقة التورلى بالصور التورلى من مطبخى بالخطوات بالصور صينية خضار مشكل

ازيكم يا بنات يا حلوين على فكرة دى اول مرة اعمل الاكلة دى بس لما هنودة حبيبتى قالتلى ان خطيبها بيحبها قلت لازم اعملة علشان هى تبقى تعملهولة ان شاء الله لما ربنا يفرح قلبنا بيهم ..

والحمد لله انة عجب الكل لدرجة ان بنوتى الصغنونة شهد قالت دى احلى اكلة اكلتها فى عمرى ..

نشوف مع بعض المقادير والطريقة .....



تشكيلة خضار من اللى بتحبوة بكميات صغيرة ..
جزر .. بطاطس .. كوسة .. بسلة .. فاصوليا خضراء . .
بصل متقطع شرايح ..
لحمة مسلوقة ( لو ها نعملة بلحمة بتلو يبقى موش نسلقها نشوحها بس فى السمن لغاية ما تبك ميتها لكن احنا بنفضل اللحم الكندوز علشان كدة سلقتة الاول نصف سليق )





فى اناء كبير على النار بنشوح البصل مع ملعقتين سمن تشويح بسيط ...



ثم نضيف الخضار ونفضل نقلبهم حوالى 5 دقايق حتى يتشرب من السمن ..



بعد كدة بنجيب طاجن او صينية ونحط فيها الخضار واللحمة ونكون محضرين كوبين عصير طماطم ..



نضيف عصير الطماطم وشوية مية او شوربة وملح وفلفل اسود وبهارات ونحطها على النار لغاية ما تغلى ..



نغلفها بورق فويل وندخلها الفرن ...



ولما تستوى نشيل الفويل ونفتح عليها الشواية
وبألف هنا...



مستنية التطبيق يا شيف هند ويارب يعجبكم يا احلى عدولات .

ال**در: منتدى عدلات النسائي

??????? ??????: [من مطبخي] طريقة التورلى بالصور التورلى من مطبخى بالخطوات بالصور صينية خضار مشكل || ??????: ahlam1399 || ??????: اسم منتداك

https://hameed.nwar.uk/vb

كلمات البحث

العاب ، برامج ، سيارات ، هاكات ، استايلات