تحلية
بالشوكولا السوداء (دانيت الشوكولا)
السلام عليكم حباباتي اليوم جبت وصفة كنت شفتها في الفايسبوك وجربتها او بالاحرى درت بيها حالا في رمضان :1: صدقوني رووووعة كيما دانيت شوكولا تاع برا جربوها مش رايحين تندمو ;)
نحتاجو الى
1/2 ل حليب
2 م ك سكر
2 م ك نشاء
علبة شوكولا سوداء انا استعملت منى
للتزيـــــــــن
100غ شونتي غبرة
كاس حليب بااارد
في كسرول حطي الحليب و السكر والنشاء حطيها فوق النار و استمري في التحريك كي قريب تعقاد ارمي الشوكولا قطع وحركي مليح حتى تذوب ك تشوفيه عقاد نحيه وفرغيه ف اكواب زجاجية يبردو شوية ثم ضعيها في الثلاجة حتى تبرد مليح
طلعي الشونتي مع الحليب البارد وحطها في بوش ادوي و زيني الاكواب بالشونتي و زيني بالشوكولا المرابية من ىالفوق و قدميه للعائلة او للضيوف يميييي رح يعجبكم بكل تاكيد وبالصحة والراحة
