مشاركتي في مسابقة وصفة تقليدية بلمسة عصرية - طاجين الزيتون
 

مشاركتي في مسابقة وصفة تقليدية بلمسة عصرية - طاجين الزيتون
السلام عليكم صديقاتي هاذي أول مرة نشارك في مسابقة من مسابقات الطبخ إن شاء الله تنال إعجابكم :D
أولا و قبل كل شيء شكرا لصاحبة الفكرة عجبتني كثيرا لكن من سوء حظي زوجي ما يحبش طاجين الزيتون و أنا راني ريجيم كيما علابالكم :sdf:
لذلك قررت ما نخبرش زوجي بلي راح نطيب طاجين الزيتون لكن هو فضولي و يحب كرشو كل يوم يحب يعرف واش راح ندير للعشاء :confused:
طيبتو بالخميس الماضي قبل ما يصل للبيت كالعادة يتصل واش نجيب و واش راح نتعشاو ؟؟؟ قلتلو مفاجئة :D و طبعا راني نطيب صحي لذالك الطبق عملتو صحي مئة بالمئة :19:

1- في طنجرة رابيت بصلة + دجاج + م ك زيت زيتون + ملح + فلفل أسود +شويا كمون و قليت البصل حتى ذبال بعدها حطيت حبات جزر مقطع دوائر يتقلى هو الآخر

http://up.1sw1r.com/upfiles2/qzn38664.jpg

2- بعد ما تقلى البصل و الجزر مرقت بماء ساخن و حطيت ورقتين رند و خليتها طيب في غرضها

http://up.1sw1r.com/upfiles2/j5138664.jpg

3- في الأثناء قليت شويا فيوند آشي بالثوم و الملح و الفلفل الأسود و حطيت عليه زيتون مرحي منقوع في الماء مع قطعة خبز ليلة كاملة لكي تمتص الملح الزائد منه + معدنوس + شويا فلفل أسود + شويا كمون + م ك جبن طبيعي و نجمع بالبيض

http://up.1sw1r.com/upfiles2/t2a38664.jpg

4- استعملت هاذ الأشكال في طهي اللحم المرحي و الزيتون

http://up.1sw1r.com/upfiles2/xvd38664.jpg

5- هنا دهنتهم بشويا فقط زيت زيتون باش الوردات ما يلصقوش و يجو محمرين شابين و عمرتهم بالخليط تاع الزيتون و الفيونداشي و إلى الفرن

http://up.1sw1r.com/upfiles2/fjm39221.jpg

6- و هنا المرق طاب و أصبح عاقد و الدجاج دهنتو بشويا زيت زيتون و حمرته في الفرن

http://up.1sw1r.com/upfiles2/rku39221.jpg

7- و في صحن حطي المرق و حطي وردات الزيتون و الفيونداشي و الدجاج و إليكم الطبق مممممم قدميه بالصحة و الراحة :19:

http://up.1sw1r.com/upfiles2/fwn39221.jpg

http://up.1sw1r.com/upfiles2/bol39221.jpg

http://up.1sw1r.com/upfiles2/40t39221.jpg

و في الأخير استمتعي بأحلى عصير برتقال و بومبلوموس بدون أي إضافات ممممممممم :19:

http://up.1sw1r.com/upfiles2/oon39221.jpg

زوجي قالي واشنو هاذ الماكلة قلتلو من اختراعي بدا ياكل في الوردات قبل ما نسقي كي كلا و كمل و عجبو قلتلو هذا طاجين الزيتون ملمسة بنت اليوم هههههههه :19: