تارت الشوكولا بكريمة اليمون مممم
 

تارت الشوكولا بكريمة اليمون مممم
http://www.up.djelfa.info/uploads/145710562887531.jpg
سلام عليكم يا ملكات الطبخ
اليوم عيد ميلاد زوجي ، عملتلو تارت قلت نشارككم بيها
الي حبت تجربها على ضمانتي ذوق رائع.
ماقدرتش نصورلكم المراحل لاني كنت مستعجلة المرة الجاية انشالله نصورلكم الخطوات.


المقادير

عجينة الجينواز:
5بيضات. كاس سكر حرش. كاس فرينة. مايعادل 125غ.رشة ملح.

نخلط البياض مع السكر و رشة الملح حتى يتضاعف حجمه.
نضرب الصفار وحدو ثم نضيفو للبياض ونواصل الخلط. ثم نضيف الفرينة و نخلط من تحت للفوق باش نحافظ على قوامها.
نحطها تطيب في الفرن.
كي خرجتها قسمتها الى 5طبقات.

السيرو: كاس ماء. نصف كاس سكر و عصرة تاع ليمون، و نحطو يغلي شوي مانخليهش يعقد.

كريمة الليمون. :

عصير نصف حبة ليمونة كبيرة تقريبا نص فنجان، نصف كاس سكر، بيضة كاملة، صفار بيضة واحدة
نحط العصير عاى نار هادية ومن جهة نخلط السكر و البيض شوي برك قيس مايدفى العصير و نضيفهم ليه و نبقى نحرك بملعقة الخلط حتى يعقد شوي ونحيه نضيفلو ملعقة **دة ونفرغها في صحن ونغطيها بورق ال**** ونحطها في الثلاجة تبرد

كريمة ال**دة:

125غ **دة 125غ سكر رطب، 2ملاعق عسل.
نضرب ال**دة والسكر بالخلاط وفي الاخير نضيفلهم العسل.

ڨناش الشوكولا بدون كريمة:
250غ شكولا .ثلثي كاس حليب. ملعقة **دة. ونذوبهم على حمام مائي. لازم نتحصلو على قوام مليح.
نروحو الان للتطبيق

نحط الطبقة الولى نرشها بشوي سيرو وندهنها بكريمة الزدة
نحط فوقها الطبقة الثانية نرشها بالسيرو و ندهن بكريمة اليمون
نفس الشي للطبقة الثلثة لكن ندهنها بكريمة الشانتي
الطبقة الرابعة بكريمة الليمون
والطبقة الخامسة ندهنها كامل حتى الجوانب بكريمة ال**دة
ونصب فوقها ڨناش الشوكولا
نحطها تبرد باه تجمد الشوكولا ونحط الڨناش الباقي يبرد باه نقدر نشكل بيه ورود ....للزينة

هذا الشكل النهائي.
http://www.up.djelfa.info/uploads/145710621734761.jpg