كبرياء الجرح

[rss]

كبرياء الجرح
http://imagecache.te3p.com/imgcache/8e676416e06b732a1dfe268e3747227d.jpg

















:: كبرياء الجرح ::













http://im19.gulfup.com/Mwri1.bmp

















ياصاحبي لو كان بالعين برقت
عرفت من حطك مع النس غاليه




وعرفت من يمسح دموعك ليا اغرقت
خدّيتك ابدمعك وضمك بياديه




وش فيك ما كنك على شوفي اشفقت
ما ودك ابشوفي وذكري وطاريه




وراك لا جيتك مع الغرب شرقت
وان جيت لك من شرق غربتي فيه




اغويتني با لشوق حتى تعلقت
ما قلت لي : لا لا ولا قلت ليه : ايه




ما ابعدتني عنك ولا نتب لي اعتقت
بين الرجا والياس قلبي تعنيه





شفتك قراح الما بعيني وصدقت
واثرك سرابٍ ما سقى كبد ضاميه





الله حسيبك ليه با لقلب حرقت
وطلح الحزن شبيت با لجوف صاليه





قد قيل با لأمثال في ماضي الوقت
من لا يعرف الصقربا لنار يشويه





كان انت لي مشتاق انا كلي اشتقت
وان كان قصدك صد من صد مابيه





واعرف لغير الله ما يوم دنقت
ولرخي لغير الله راسي ولا احنيه





ولا تحسب اني من فراقك توهقت
جرحي وابا القى له طبيبٍ يداويه





ذا كبرياء الجرح لا من تضايقت
اداوي اجروحي بشعري واغنيه





ولا ضاق صدري في سما الشعر حلقت
اشعل دجى ليله بنجمي واضويه





وما قول انا اللي في قصيدي تفوقت
كم شاعرٍ مبدع وقافه يقديه





وفعلي حسب قولي أنا ما تدرقت
الرجل لا من قال قولٍ يوفيه





وياصاحبي لو كان بالعين برقت
المتلي يتلا ما مشى خلف تاليه











http://imagecache.te3p.com/imgcache/ab608b5f545a07f64eefe1443b1d5541.gif






شعر: بندر العّبود












http://imagecache.te3p.com/imgcache/8fcf35aabdebb61bd6d41963921b35a9.jpg