|
|
#1
02-23-2014, 08:30 PM
|
|||
|
|||
تعالو شوفو كتاكيتى عملو ايه
السلام عليكم ورحمه الله وبركاته انا النهارده حبيت اوريكو طريقه عمل البسيسه انا عارفه انها مش حاجه جديده ولكن الجديد فيها انها شاركو فيها كتاكيتى الصغيرين حبايب قلبى (ندى - نورهان - حبيبه - يمني- حنين) علشان كده حبيت اوريكو وبالصور كمان المقادير: 1- 1 كوب دقيق قمح 2- 2 كوب دقيق ذره 3- 1 كوب سكر 4- 1 كوب لبن 5- 1 كوب زيت 6- 4 بيضات 7- 1 بيكنج بودر 1 فانيليا يلا بقى نشوف كتاكيتى عملو معايا ايه نجيب الخلاط ونحط فيه السكر والزيت والبيض والفانيليا وهاتك يا ضرب تك تك تك نضرب المكونات كويس اوى اوى فى الخلاط وبعدين طبعا نكون نخلنا الدقيق وحطناه فى طبق غويط وحطينه عليه باكو البكينج بودر ننزل بالخليط اللى فى الخلاط تدريجيا ونقلب كويس اوى ونضيف اللبن واحنا بنقلب لما اتأكد من ان العجينه بقت مظبوطه نجيب صنيه وندهنها سمنه ونكون مولعين الفرن ونحط الخليط فى الصنيه وندخلها الفرن اتأكدى ان مفيش هواء فى الخليط تماما وبعدين نطلعها من الفرن بعد ما تستوى وبالهنا والشفا وتسلم ايديكو يا كتاكيتى يا حلوين واسيبكم مع الصور http://up.3dlat.com/uploads/3dlat.com_13931756721.jpg http://up.3dlat.com/uploads/3dlat.com_13931756722.jpg http://up.3dlat.com/uploads/3dlat.com_13931756723.jpg http://up.3dlat.com/uploads/3dlat.com_13931756724.jpg http://up.3dlat.com/uploads/3dlat.com_13931756725.jpg http://up.3dlat.com/uploads/3dlat.com_13931756726.jpg http://up.3dlat.com/uploads/3dlat.com_13931756727.jpg http://up.3dlat.com/uploads/3dlat.com_13931756728.jpg http://up.3dlat.com/uploads/3dlat.com_13931756729.jpg ال**در: منتدى عدلات النسائي
|
 |
|
|
العرض العادي
