|
|
#1
08-11-2016, 11:38 PM
|
|||
|
|||
عارف
<div>  بقلم : Amr Abo Zeed عارف ... أنا شيلت ال (ت) من أخر الكلمة علشان مش حابب أكلمها في حاجات مش عارف ايه أخرها هتكون بتتوِه ع الفاضي قررت أستنى وأكون أذكى ومابوحش ب كُله المرة دي يمكن تأجيل البوح ينجح ويوَقَف بُكره المحدوف ولذلك قلت أنا هحكيلَك واهو برضه مافيش منك خوف الفكرة يا سيدي بتتلخص كالعادة في نفسي وفي الخوف لو حابب تسأل فبراحتك بس انت لوحدك هتشوف ان أنا مش عارف ولا فاهم غير ان فيه جرح ومكشوف ايدي اللي بطول الشتا زرقة مش بس بسبب الفيتامين فيه نقص كبير ... وكبير جدا بس أنا مش عارف ايه ؟ وفين؟ وماظنش انك مهتم عديها... هقولَك شئ أهم فكرت كتير اني أنا ههرب وهربت كتير من التفكير وحلمت في ليلة ان أنا بشرب وصحيت عطشان ايه التفسير؟ فيه دايما هاجس في دماغي بيقول لي ان أنا مش في مكاني مش قادر أبطل تصديقه ولا عارف ألاقي مكان تاني وزوايا الحَيّز بيضِيقوا ومافيش أمكنة أصلا فاضية كان نفسي اني أرضى بكذا حاجة دلوقتي ياريتها الحاجة راضية أنا حاسس انك مش فاهم ولا كلمة ودانك سمعاها بزيادة مكابرة... هنتفاهم أنا كان مفروض أحكي معاها ال**در: منتدى المرأة والطفل - جنى النسائية - من قسم: همس القوافي uhvt
|
 |
|
|
العرض العادي
