|
|
#1
02-24-2013, 03:40 PM
|
|||
|
|||
أنا آسف $
أنا آسف $
لاب توبي pb189 انا اسف اني طولت عليك .. ادري انك متعذب مني من عشر سنوات وانا ماغير كرف فيك .. انا احس انك اكثر من اخو لي دايم ناكل انا وياك مع بعض .. ياما قطع شاورما طاحت عليك .. ياما فتات التميس جاء كله على الكيبورد .. ياما وياما شربنا ريدد بل مع بعض .. وأحس انك زي ابوي ? دايم اذا احترت بالحياة ادخل عليك واسألك عن الحل وتعطيني اياه .. واحس انك زي زوجتي " للعقول الداشره " .. ذكريات وعشرة عمر بيننا .. مااقدر فجأه اتخلى عنك بعد كل هالسنين .. بعد كل هالمواقف الحلوه والمره الي قضيناها مع بعض اسف واوعدك اني راح اغيرك قريب لانك واضح بديت تلفض انفاسك الاخيره .. واوعدك انه بايامك الاخيره راح افتح ثلاث صفحات بس .. فنجال القهوه الي بعلبة السكر واخوه في علبة البهاراتbp039 انا اسف جدا جدا جدا .. والله حاولت اقنع الوالده اكثر من مره اننا نرجعكم لاهلكم بالدرج .. بس والله عيت تقتنع الوالده تقول وشوله الخساير .. لكن مابيدي الا اني اوعدكم بكل عيد راح ارجعكم ثلاث ايام للدرج تقضون العيد هناك مع الفناجيل الباقيه . فنيلتي الداخليه القديمه انا ما ادري الحين تسمعيني ولا ماتسمعيني .. لاني ماسكك الحين بأيدي وشايف حالتك كيف صارت .. بعد ماكنت البسك بالليل والنهار .. والله يعز علي اشوفك تحولتي لـ" خرقه " انا اسف جدا جدا والله .. وما اقدر اوعدك بشيء والله الي انكسر مايمكن يتصلح انا ما اقبل البس فنيله قد صارت " خرقه " قبل .. اليوتيوب :mad: انا امنية حياتي اني ادخلك مره واناظر مقطع واحد واطلع .. اول ما ادخلك يا اليوتيوب والله احس اني جوعان مقاطع .. مره دخلت اتفرج على قفزة فيليكس .. وبعد ساعتين لقيت روحي اتفرج على هدف سعيد العيوران ببلجيكا والله ما احس بنفسي الا بعد ساعتين ولا ثلاث اذا انت ساحرني يايوتيوب حسبي الله عليك واذا اني ظلمتك انا اسف واوعدك احاول اسوي " رجيم يوتيوبي " واتابع نوفل فلوق يوميا ك نوع من العقاب :( نفسي pb094 اسف واعتذر لنفسي بشده عن أكثر محادثه كررتها بحياتي : انا:هذا كيف يشتغل ؟ هو:عطني اياه اوريك انا:لاعلمني وهو بيدي هو:لا جب انا ماعرف اشغله الا وهو بايدي .. وبالاخير يطلع ضغطة زر بس ويشتغل :) واوعدك يانفسي اني راح احاول اتجنب هالمحادثه قدر الامكان واول مايقولي الشخص عطني اعطيه الي بيدي على طول اصدقائي للاسف راح اعلنها .. ماقد قلت سالفه بدون ماحطيت عليها بهارات .. وزودت ملح شوي .. وبعض الاحيان كثير .. بعض الاحيان اكذب كذبه وبعدين اذا كذبتها ثانيه ازود بهارات على كذبتي للاسف اني ماقد قلت لكم سالفه صارت زي ماهي .. لازم ابهر .. أنا اسف واوعدكم اني راح اقلل بهارات قدر المستطاع .. كأس جبن البوك على قد ما ابي اتأسف لك على قد ماودي اشكرك على عملك المتفاني والله .. كل مافتحت درج المطبخ واشوفك بين الكيسان وانت قصير ومعوق بينهم طالع كنك محمد نامي بين لاعبين الهلال .. لكن مايهم .. انا اسف جدا وما ااقدر اوعدك بشيء الظاهر قالوا لك الفناجيل وش كان رد امي :( حفرة النمل والقعر الي عند عتبة باب بيتنا اقسم بالله العظيم اني اسسسسسسف والله اني داري اني سببت الالم لامتكم ووالله اني نادم اشد الندم اقسم بالله .. وادري ان فيه قعر ونمل منكم هاجروا من الحفره على شاني.. وراحوا واغتربوا بحفر ثانيه بعد الهجمات المتتاليه بسبب وبدون سبب مني ..واسف للنمل والقعر الصغار الي قتلت ابوهم وامهم .. بس والله كنت طفل صغير وتصرفاتي غير محسوبه .. ارجوكم سامحوني واوعدكم بتريلة رمل وخيشة رز .. بس سامحوني سواقنا والله مجرب شعورك وحاس فيك والله .. انا اهلي وادرى بمشوايرهم .. ادري عن سوالف " تعال ودنا خمس دقايق بس بنمر الخياط " وبعدين تطلع العصر ماتررجع الا الساعه وحده ونص لغرفتك وريحتك كلها مطبق من الاثنعش مطبق الي اشتريته باخر مشاور لك .. انا اسف جدا واوعدك اني راح اساعدك بالمشاوير قد ما اقدر المشرف أنا اسف على هالموضوع السامج .. لكن كنت ابكتبه بالقهوه العامه لكن ماقدرت مدري ليه .. انا اسف ولو نقلت هالموضوع للقهوه اوعدك اني ماراح اكرر هال**اله ثانيه :sm12: آسف جداً .. وأتمنى انكم تسامحوني كانكم تسمعوني bp039 
|
|
|
العرض الشجري