|
|
#1
10-24-2014, 08:27 AM
|
|||
|
|||
خميس الفجعة .. وصوت الرجفة
خميس الفجعة .. وصوت الرجفة
سلام يامن قبلنا ,,, والعون لكم ،،، كيف انتم وش ترونكم
علومنا خير ،،، في ارضنا والله ربنا لا مغدى ولا ماجا الا يم الله ،،، العلوم ولاخبار ماشي بخافي عنكم ،،، احداث وحروب الله يقينا وياكم من شرورها باقين والباقي الله في ديارنا ,,, لا مريض ولا عريض ولا علم طاري جديد ،،، لامن الله وامس جانا علم قلنا نعلم لكم عنه ،،، الهجرة تغيرت والدنيا تخوف ،،، كما قيل من لا تجي له عند بيته غدى لها مقيلين في بيوتنا نعمة وخير والستر بالمتر ،،، الا وذيك الحنمة والصوت اللي كنه راعد ،،، بغير بطى وذيك الرجفة اللي هزت البيت والوادي ،،، اللي ما ندري وش علمها ،،، تناقزوا الصغار والكبار من الفجعة بعدها غديت لحداد ولقيت بعض العربان اللي يقول طيارة طاحت واللي يقول صاروخ ومنهم من يحلل ويقول يمكن انه قمر صناعي سقط ،،، والله العالم لكن انا في عزو بالي وفي ظني انه من ذالصواريخ اللي ترسلها امريكا على اليمن ولا طياراتهم اللي بدون طيار ،،، الله سيدي موالي انك تهلك امريكا وكل من يعادي المسلمين ،،، وتحفظ علينا امننا وبلادنا وتديم علينا الخير وبلاد المسلمين اللهم آمين عاد الربع كلاً يحلل من عنده ما جانا علم وكاد ،،، بعدها رجعت للبيت الا ولنا صديق شرواكم في الطايف عنده مناسبة ولها دور وهو يكلب لنا ويعزم ويلزم ،،، قلنا العانات بالله اخذت عيالي ولا كان لنا ميقاف الا عنده والله اني اتشوف واتسمع في دربنا قلت يمكن نلقى لنا حس ولاخبر عن ذاك الصوت والرجفة لكن ماسمعنا شي ،،، واليوم صليت الصبح قلت بتفرج في الاخبار واتسمع في العلوم يكن اشوف طاري خبر ولا لقيت ما نعلم به عنه ،،، ويوم رمت بي الخطوة ودخلت النت قلت نمر ونسلم عليك وناخذ علومكم واخباركم ,,, عساكم دوم في خير وبخير ،،، هذا ما نعلم به لكم عن دريتنا وغيبتنا وسلامة تسلم الجميع 
|
|
|
العرض الشجري