|
|
#1
05-11-2014, 08:24 PM
|
|||
|
|||
خايفه و متردده من ابرة الظهر ... حياج
خايفه و متردده من ابرة الظهر ... حياج
قوه بنات طبعا الله يسهل على كل حامل يارب و هالموضوع لكم اول شي اللي تجرب ابرة الظهر من بعد نصيحتي تدعيييييييلي لي تخدرت هههه تجربتي مع ابرة الظهر كنت متردده اخذها و احاتي الابره ان تعورني مو اثار جانبيه هههه لأني ماحب الابر توكلت على الله و مع كثر قرايتي عنها قلت خلاص باخذها و سويت تحليلها اهو لاااازم و يفضل قبل الولاده تسوينه بوقت لأن يطول ساعتين تقريبا عشان تطلع نتيجته ان تناسبج الابره ولا لا و غالبا تناسب سويته و خليته معاي حتى دكتورتي ناهده العلي نصحتني فيها قالت دامج بجر اخذيها احسن اول ما رحت المستشفى اطلق عطيت التحليل حق الدكتور و دكتورتي كاتبه تقرير ان ابي الابره و جذي و مع الاسف طولو ماقزوني الا عقب ساعه الا ربع و انا كنت 5سم و طلقي اقل من 5 دقايق فتعذبت حقدت صج وصلت حدي كانو يقولون دكتوره التخدير تحت الحين تيي ليما حسو اني خلاص مت من العوار يت و يوم قزوني الابره خيااااااااااااااااااااال عشان جذي ابي انصح كل وحده تاخذها صج اللهم لك الحمد عالم ثاني عالم مريح هههه و الحمدلله انا بعد تعبت وانا اولد اسمله عليها بنتي راسها كبير و هم انا بجر و شقتني شويه بس طولت على ما طلعت بنتي و كنت اشفط اكسجين لأن بتطلع و اكسجينها يقل فلازم انا اشم اكسجين وايد فكله اقول شلووووون لو بدون البنج عقب قعدت ساعه بالغرفه بعدين ودوني غرفتي و حاطين بربيش البول تكرمون و ولدت انا الساعه 11 الضحى و شالوه المغرب لأن بنج بريلي فماقدر امشي فيوم فج البنج شالو التساهيل من الله بس لا تترددون و تتحملون مافيها سالفة امومه الامومه بالاربعين و بعد بتحسون فيها عوار الطلق و الولاده يعتبر عوار عادي شماله تتحملينه ؟؟؟؟ صارلي 5 اشهر والده و الحمدلله مافي اي آثار جانبيه منها 
|
|
|
العرض الشجري