|
|
#1
08-11-2016, 11:38 PM
|
|||
|
|||
الوداع الاخير
الوداع الاخير
<div>  دكتور ( بوبى ليبمان ) كان بيتدرب فـ دار لـ رعاية المسنين فـ شيكاغو .. كتب فـ قسم القصص الإنسانية فـ جريدة نيويورك تايمز عن قصة ست عجوزة إسمها ( كونى ) عندها تقريباً 80 سنة كانت نزيلة فـ الدار .. ( كونى ) كانت فـ المرحلة الأخير مـ مقاومة السرطان ورغم كده كانت مرحة وبتهزر مع الكل وبتعشق الفُرجة ع ال*****ات الإجتماعية والأفلام الرومانسية .. دكتور ( بوبى ) بيقول إنه لاحظ إن جوزها إسمه ( بيل ) كان بيزورها كل يوم ويقعد معاها فـ الدار مـ العصر لـ المغرب .. كان بيساعدها وهى بتاكل وبيسندها وهى بتتمشى فـ الجنينة وبيغطيها قبل ما تنام ! .. بس كان بيلاحظ إن الزوج بيعمل كل ده وملامح وشه جامدة وبدون ما يبان عليه أى مظاهر رومانسية كأنها من ورا قلبه أو بيعملها بالغصب .. دكتور " بوبى " شوية بـ شوية علاقته وصداقته مع " كونى " أتطورت وبقت بتدردش معاه والكلام جاب بعضه .. سألها عن جوزها وعرف منها إنه بيشتغل نجار وقال بينه وبين نفسه إن يمكن جمودية المشاعر اللى عنده دى سببها قسوة مهنته ؛ فـ راح سأل " كونى " سؤال مباشر وصريح : ( هل " بيل يحبك " ؟ ) .. " كونى " ردت : ( إننى أعرف إن " بيل " يحبنى ولكنه لم يقلها لى ولو مرة واحدة ) .. وبعدها اتنهدت وبصت للأشجار مـ الشباك وكملت جملتها : ( لو قال لى أحبك لربما شُفيت؛ ولكنها ليست طبيعته ) .. بعد الحوار ده دكتور ( بوبى ) خد قرار وقرر تانى يوم ع طول يقابل " بيل " فـ كافتيريا الدار ويعزمه ع قهوة .. بمجرد ما شافه سأله : ( هل أخبرت " كونى " إنك تحبها ؟ ) .. ( بيل ) بص له بتعجب وقال له : ( ليس هناك من داع لذلك فهى تعرف ! ) .. " بوبى " مسك إيد " بيل " الخشنة وبص فـ عينه وقال له : ( ولكنها تحتاج إلى سماعها منك إن كانت تمثل لك شيئاً حقاً ) . . دكتور " بوبى " بعد ما قال الكلمتين لـ " بيل " سابه وراح يشوف باقى المرضى فـ الدار و فـ آخر اليوم وهو بيمر ع الغرف عدى ع أوضة " كونى " وبص مـ شباك الأوضة لقاها نايمة ع سريرها و " بيل " قاعد نايم ع الكرسى اللى جنب السرير ساند راسه ع الحيطة لـ ورا و مادد كف إيده ع المخدة وهى منيمة راسها ع كفه .. تانى يوم وأثناء دخول دكتور " بوبى " لـ الدار شاف " بيل " واقف فـ الطُرقة وبيبكى بصوت عالى فـ فهم إن مراته ماتت .. بمجرد ما " بيل " شاف " بوبى " كونى " جرى عليه وأترمى فـ حضنه وبكى زى العيال الصغيرة وبعدها سند بـ إيده ع الحيطة وشهق شهقة عميقة ومسح بإيده المخاط اللى نازل منه وقال : ( لقد فكرت كثيراً فيما قلته لى بالأمس ولذا أخبرتها بمدى حبى الكبير لها وإننى كنت سعيداً جداً بحياتى الزوجية معها؛ ليتك رأيت إبتسامتها حينئذ ) ? العُمر قصير .. محدش ضامن لا عمره ولا عُمر غيره .. اشبعوا من كل ( الناس ، الحاجات ، الأماكن ) اللى بتحبوها قبل ما تكتشفوا إنكم عطشانينهم ؛ أو هما عطشانينكم .. لكل ( أب ، أم ، أخ ، صاحب ) قولولهم " بحبك " قبل فوات الأوان .. ممكن تكون أفعالك مبينة ده وموضحاه ومحسوسة بس الواحد مننا أضعف مـ حتة ورقة وأوقات كتير بتكون محتاجة تتسمع .. عرفوّهم وعرفوا نفسكم بصوت عالى إنكم بتحبوهم .. الشاعر " **طفى إبراهيم " بيقول : ( لو بس كنت ساعتها عارف إن دي المرة الاخيرة؛ مية مية كانت هتفرق فى الوداع ) بقلم :تامر عبده ال**در: منتدى المرأة والطفل - جنى النسائية - من قسم: يحكى أن .. hg,]hu hghodv
|
|
|
العرض الشجري