و اخيرا معقوده ناجحه 100ب100
السلام عليكم راني عارفه رمضان راه قريب يكمل بصح و الله عانيت مع المعقوده هاذ رمضان نهار تجي مليحه و ناجحه ونهار تنحل و تتحرحر في المقله مع اني نعملها بنفس الطريقه و نبغيها بزاف في رمضان نهار ندير بوراك و نهار معقوده صايي لقيت الحل بدون اطاله اليكم الطريقه:
نحكم بطاطا كميه على حساب العائله و تكون قديمه شويه لونها مايل الى البني قاتم la vieille pomme de terre(انا وحده كبيره تكفيني) نغليها فالماء مع قشورها كي طيب. نوخرها من النار و نقشرها و هي حاميه مانخليهاش تبرد و نرحيها بالشوكه او الطاحونه اليدويه و السر هنا هو نحطها في صينيه زجاجpyrex حوالي 30 دقيقه في الفرن متوسط الحراره و نحركها من حين لاخر بالشوكه باش ما تلصقش و هاد المرحله باش نشفوها من الماء لي فيها و ما تنحلش في القليان من بعد نقلعها من الفرن و نزيدلها ملح و حرور و كركب و فص ثوم مرحي و معدنوس و بيض حسب كميه البطاطا انا نستعمل حبه بطاطا كبيره نحطلها نصف حبه بيض مخفوقه لانها اذا كثرنالها البيض تجي لزجه بزاف و ما تنجحش نخلط كل شي و نخليها تبرد ضروري جدا تبرد وبعد ما تبرد غايه نعمل كويرات و نبزطهم شويه شكل قريصات صغار و نرمدهم في الفرينه و ننزع الزاءد و نقليها في زيت سخون و ضروري جدا يكون جديد ما يكونش مستعمل عندما تكسب اللون الذهبي من الجهتين نوخرها من النار و نحطها فوق الورق الماص هاكا تجي معقوده ما شاء الله نتمنى تجربو الطريقه تاعي و تعطوني رايكم انا هاد الطريقه ساعدتني بزاف و بغيت نتقاسمها معاكم خصوصا المبتدءات و شكرا
06-29-2016, 03:27 AM
و اخيرا معقوده ناجحه 100ب100
العرض الشجري