|
|
#1
09-17-2015, 06:03 PM
|
|||
|
|||
التعامل مع الشغالة البنغالية
التعامل مع الشغالة البنغالية
السلام عليكم ورحمة الله وبركاته هلا خواتي .. اريد اعرف كيف نتعامل مع شغالة بنغالية يديدة .. بشكل المناسب من الصفر.. نحن يبنا 3 بنغاليات .. الاولية ريلي يابها من المكتب مسترجعه وكبيرة في العمر وعيالها على حسب كلامها في الكلية ولما وصلت البيت .. اريد اكلمها ما تطالعني .. سارت سيدا لريلي تبا تتصل في بلادها.. يعني تسويلي طاف بكل بساطة . يلست يوم واحد وعقبها قلت لريلي رجعها.. نحن بندفع الالاف ونييب وحدة شغها ما يسوى وهذا غير تصرفاتها ... وعقبها ياب وحدة ثانية مسترجعه من المكتب ويلست ويانا 3 شهور .. تحملتها غصب عني قلت يمكن تتعلم وتتغير .. لكن ماشي فايدة. اريد اكلمها اريد اعلمها وهي تبتسم وتضحك بسخرية..بدون اي ادب في تصرفاتها وكل يومين تطلب تلفون وتتكلم ساعات.الي يشوفها ياية رحلة وما تريد تتعلم شهر كامل وانا اغسل الملابس جدامها .. وافصل الابيض عن الملون .. وعقب شهر .. خليتها تغسل بروحها والصدمة انها حاطة .الملابس البيضا والسودا مع بعض في الغسالة!! كرهناها ورجعناها المكتب الثالثة يبناها من المكتب. نحن طلبنا وحدة يديدة .. لكن المكتب سجل في الاوراق وحدة مشتغلة قبل المهم بسبب حاجتنا وما قدرنا نصبر اكثر دون شغالة .. قبلنا ووصلت الشغالة واول ما وصلت.ربطت خصرها ودخلت تشتغل على طول .. والله استبشرنا فيها قلنا هاي زينة ..واي شغل نقوله لها تسويه ..يوم شفناها زينة اي شي تطلبه نعطيها . واذا ما تحب الاكل تسويلها الي تحبه.. تبى لوشن تبى كريم مب مشكلة ما دامها زينة بس مرة ريلي زخ دريول الجيران وهو يبصبص فيها ويريد يكلمها ونازعه بقوة ونازع الشغالة بالقو, وهي حسب كلامها مخطوبة في بلادها .. ولما الشهر خلص واستلمت راتبها وحولناه لبلادها.. وكان ريلي ماخذ اجازة واسبوع تخلص. اشوفها متململة ..وسالتني متى بابا دوام استغربت بس ما رديت عليها ولما ريلي سار الدوام هاذيج الليلة اليوم الثاني ما شفناها في البيت .. شردت..بعد 4 شهور واسبوعين وين شردت وكيف ومنو ساعدها!! .. ما ندري لانه ما عندها تلفون فكيف شردت؟!.. والله لين الحين ادعي عليها كانت مستانسة لان ويهها ابيض في بيتنا .. الله يسود ويهها 
|
|
|
العرض الشجري