|
|
#1
12-11-2013, 09:03 PM
|
|||
|
|||
الفلبين من 21 نوفمبر وحتي 9 ديسمبر 2013 . ملخص الرحله
الفلبين من 21 نوفمبر وحتي 9 ديسمبر 2013 . ملخص الرحله
بسم الله الرحمن الرحيم الرحله كانت موفقه بفضل الله. السفر كان علي الخطوط السعوديه القاهرة الدمام مانيلا مانيلا الرياض القاهرة الخطوط الجوية السعوديه اقل ما يقال عنها انها ممتازة من الدرجه الاولي شهاده من احسن الخطوط الجوية اللي سافرت عليها مع اني كنت متخوف من اللي كنت بسمعو من اصدقاء وعبر بعض المواقع ووالدي لانه كثير السفر لاداء فريضة العمرة ... ولكن بعد التجربة .. صراحة خطوط ممتازة وخدمة متميزة جدا جدا انصح الجميع بالسفر عليها حتي لو اغلي بس تستاهل بالرغم من وجود بعض العيوب. وصلت مانيلا يوم 22 نوفمبر رحت عمارة سكنية اسمها le mirage موجوده في malate شارع mabini St المكان حلو بس بارات كتير وبيبقي خربان بليل . منصحش حد لو نزل في الشارع ده يمشي بليل فيه. الفندق كان بي 50 دولار في الليه + 10% charge و 12% vat. غرفة مكيفة , وبلكونه وصاله ومطبخ والحمام مش بطال .. الشقة كانت كويسه ومحترمه وقريبة من مول روبينسون . الحجز كان عن طريق بوكينج رحت بعد كده تاجايتاي نزلت في فندق اسمه Jessar aparttle بي 1600 بيسو في الليله كنت حاجز الاول علي بوكينج ,بس واحد كان جه تبع حد معرفه خالاه بي 1500 بالافطار. رحت peoples park و picnic grove المكان هناك رائع وزيارة الركان اروع بس انا مرحتش للاسف. رحت بعد كده Batangas واتسحلت للاسف ولفيت وتهت واتبهدلت واعدت ليله واحده ورجعت تاني انا وسيله الانتقال بتعتي كانت الاتوبيسات هي حلوه ومكيفة وارخص طبعا من التاكسي ركبت من Olivars محطة تجيتاي ورحت Nasubu وبعدها جيبني روحت لمكان تاني وبعدها ركبت جيبني لحد ما رحت الفندق .. اعدت ليله واكتشفت ان الفندق بعيد جدا عن البحر والاماكن السياحيه ولقيت الوضوع هيوسع مني في الميزانية فرجعت .. انا كنت اجرت بيت في حته اسمها Cavite بين مانيلا وتجيتاي بي 100 بيسو في اليوم كنت سايب فيه الشنطه وحاجتي وكنت باخد شنطه صغيرة واتحرك بيها. المنطقة ديه فيها SM وروبينسون واسعارهم حلوه عملت شوبينج محترم هناك لو كنت عملتو في مانيلا كنت هادفع اكتر من الضعف. بعد ما اعدت الليل في باتنجس رجعت لكافيتي واعدت فيها كام يوم وبعدها رجعت مانيلا اعدت في فندق اسمه 24H في ماكاتي هو حلو ورخيص 1250 بيسو في الليله بالافطار وعندهم الهوس كيبين ممتازين بس الرسيبشن رخمين وهيكرهوك في الفندق. انا وسيلة الانتقال طول زيارتي للفلبين الجبيني والاتوبيس المكيف وركبت المترو مره وتبت لانه بيبقي زحمه موت. بس الجو لذيذ بما انك اجنبي . الاتوبيس ليه محطه costal mall منها بتركب لاماكن كتير زي تاجيتاي وغيرها كتير ومريحه. اتحركت للمطار وللاسف حدث تاجيل لمعاد الطائرة 13 ساعة . الخطوط السعوديه مشكوره وفرتلنا فندق لحد معاد الطائرة. انا مليش في كتابة التقارير قوي بس اي حد عندو اي استفسار يتفضل يقولوبصراحة حابب اشكركم جميعا وفي اخ لا اذكر اسمه كان ليه بعض النصائح والردود كانت مفيدة ومواضيعكم كلها صراحة.. تحياتي والسلام عليكم ورحمة الله وبركاته ??????? ??????: الفلبين من 21 نوفمبر وحتي 9 ديسمبر 2013 . ملخص الرحله || ??????: ahlam1399 || ??????: اسم منتداك
|
|
|
العرض الشجري