|
|
#1
12-31-2012, 07:02 PM
|
|||
|
|||
حلقة الغنم والطيور - تصوير دودي اخوي
   صباح الخير / مساء النور اسعد الله جميع اوقاتكم احبتي  اولا بليز دعواتكم بكره عندي موعد مع دكتورة الاسنان اول جلسه من اصل اخر ثلاث جلسات لي عندها بحول الله بس في كل مره سرت اروحها تطلع عيني وربي ومو قادره انام والسبه منتظره يجي الصبح واخلص من موعد بكره وطبعا مثل مو واضح في العنوان التصوير تصوير دودي اخويا هذا الله يسلمكم مره من المراريت قبل اسبوعين تقريبا اخويا الكبير سليمان دق على اخويا الصغير خالد وقالو جهز نفسك بنطلع البحر طبعا سليمان قال لدودي كذا وحنا ولعنا ويا بختك يا دودي بتروح البحر واحنا لا وقعدنا نق عليه وبرطمنا لان يومها طافشانين مره والطلعه جات من نصيب دودي ودودي وهوا طالع قاعده احلفو يصور البحر ويرسلي الصور وقالي طيب طبعا من كثر ما نقينا عليه وهوا كان رايح الشاطئ الجديد يقول راحو زحمه ولا لقيو مكان بس راحو على ابحر الشماليه شويات ولا صور كمان اهم شي يوم راح ورجع قلتلو صورة لي صور قالي ايوه افك الصور الاقي ارانب ودجاج وحمام وديك رومي ومدري اش قلتلو خير انتو رحتو البحر مو الحلقه قاعد يقول وربي رحنا بس طلع زحمه مره ولا قدرت اصور لانهم بعيدين عن البحر مره بس سليمان اخويا عليه مزاج صعب في التماشي شالو وراحو على الحلقه لان سليمان اخويا يحب الطيور ويقول صورة لك هاذي الصور قلتلو من البحر لحلقة الطيور والغنم خاف الله يا خالد كان كشحت البحر كشحه طياري ويالله اتعرفو على حلقتنا في جده والله يعينكم على الريحه وربي مدري متى اخر مره دخلت اشتري فيها خروف مع اخوي سليمان وانا في السياره ومسكرين الشبابيك والريحه تكتم احسني مكبوده وانا جوات السياره مدري كيف دودي وسليمان قعدو يتفتلو فيها دودي هنا يقول احنا ما كنا نتخيل ان السعوديه بكبرها فيها ديك رومي طلع فيها احمدي ربك انك شفتيه في السعوديه كنا نتخيلو بس في **ر في الصعيد استغفرالله ما احبو ولا احب شوفتو خصوصا هذا الغلوغ الي معلق في حلقو   اتوقع هذول بطابيط صغار اتوقع اشكلهم حلوين صوووح  ياجماعة الخير في حمامه منبشه هي خلقتها كذا ولا احد من الي حولها شعتربها ولا اش القصه بالضبط ولا الحمام مطلعين موضه على ريشهم ولا اش    هذا غني عن التعريف ابو براطم سفينة الصحراء     هاذي ديكونا الي نعرفها الوقفه وقفت اسد    ياربي سلم سلم الصعنطوطين   وبس اتمنى استمتعو في حلقتنا وع فكره مخصصه لطيور يوم الجمعه لكم ودي وردي وحبي
 
|
 |
|
|
العرض العادي
