|
|
#1
08-04-2016, 02:02 PM
|
|||
|
|||
نوانا ذ الحال \\\ بقلمي ///
نوانا ذالحال لابى يسقم****واتبرهش ولى يتبع امواليه
يشح الصب واسحابو يتلم****من البعد يبان غبارو كاسيه تسمع للمرعود بالصوت يدمدم****والبراق يبان للبعد امضويه لكن الجفاف اسفحل و عم****البركة مشات ودارت آلهيه واش نقولك يابني مانتكلم****وين ندرق هم انا ضايق بيه عالمنكر مانيش طايق وامنجم****مقواها لمطار ذالبر اتجافيه ولات النسوان فينا تتحكم****والراجل ذلو ذالوقت امنويه يا عجابة واه العرة تتقدم****والحرة يوخروها واش عليه البغلة دلوها رجعت تتنعم****الفرس خلاوها للحرث اتمشيه دوخني جاهل يبدا يتقرضم****بكلامو..العاقل يحشم بيه حيرني عالم ساكت متكتم****يدري بالعلوم لسانو ما يلويه السافيه آحماق رجعوه امعلم****الفاهم باقرايتو وسخسروها فيه الدنيا عطفت للناقص تكرم****لبساتو لحرير من قرنو آلكرعيه و عطاتو دلات ولى يتفيهم****ينهي عالمنكر و غارق لوذانيه حتى الطير الحر ولى يتهرقم****مايعرفشي قيمتو عالجمر يشويه والبومة ولات فالحب اتخمم****تعشق ولد الطير واتحوس عليه السارق وكلوه للزكاة يلم****يحظي لمانة والقاشي يعطيه الذيب اتمسكن للسرحة يحلم****الجياح خلاص راهم ثاقو فيه المنافق عاد بالمظهر يخدم****نفاقو في باطنو عنهم خافيه عرة قومي ساد ولى يتقيم****هو سيد القوم والناس اتناديه يابن عمي شاب راسي من ذالهم****كل يوم يزيد الباطل يدحيه الباطل لبسوه ثوب الحق وعم****هابلاك تعود تغلط واتعاديه حيرنا ذالحال فالحق يكمم****ذالباطل سرج ودلى كرعيه ألطف يالطيف بينا واتكرم****لاتاخذ بمادار فينا ذالسافيه مطر الرحمة ياالله لينا ترحم****يحمل بري ياالله نتنزه بيه الحجرة والشجرة ولبهيمة تسلم****و ينور بري والعشبة تكسيه والبدوي يزهى ويرجع يتبسم****اتجيه الفرشة يضحك من عينيه تسعد صحرتنا و يعمر ذالمرسم****الضاية واجباب القاشي تكفيه طالب دعوة خير من بوياوالعم****يخضار اجناني ونا نتنزه بيه سيدي ربي خالقي لينا تعزم****فرج ع الأمة و ذالغم اتفاجيه ابجاه الصلاح واللي هو قايم****معمر بيت الله بالذكر يناجيه ابجاه القرآن اومن بيه اختم****احفظلي وطني من العديان احميه ذا محمد كاتب القول امرقم****طامع في المولى بالستر يغطيه احفظلي لعيال و معاه العارم****شمعة بيتي هي نوارة اتضويه لاتحرمني ياالله بالزيارة نحلم****البيت العتيق و حلمي متمنيه ارجايا في الله لايخيب مسلم****قبل فراق الروح والجسد اتخليه يا ربي رحمة البويا و الأم****و ارضى عنهم يالله هنا والهيه هذا قع والموت ورانا تختم****و مهما طال الحال فالآخر تفنيه تمت بقلمي medcherif03 
|
 |
|
|
العرض العادي
